[穿越][愛情][校園]重回青春時尋找當年失去的愛情: 有人歡喜有人愁

「彤彤，你可唔可以出嚟聽我講？」我在小彤的家門前叫嚷著。

「喂，你仲係度做咩？小彤唔想見到你。」小彤的父親從屋子裡走出來喝斥我。

「Uncle，你可唔可以俾個機會我見下小彤？」我懇求著小彤的父親。

「小彤唔想見你呀，你走啦！」

「Uncle，我⋯⋯」我還想再說，小彤的父親卻再一次制止了我。



「你自己今日做過啲咩你自己知啦，你仲想見我個女？你走唔走呀？你再唔走我報警㗎啦！」小彤的父親說完後就從褲袋中拿出電話。

「好，我走。」我怕小彤的父親真的會報警。

我在離開的時候視線不經意略過小彤屋子的二樓，發現原來小彤正在二樓偷偷地看著我離開。

可是她一看到我就瞬間把窗簾關上，令我再也看不到她美麗的臉容。

———



「小宇，我哋跟住行邊呀？小宇？」小彤拍拍我的肩膀，瞬間把我拉回現實。

「哦，我攞張地圖出嚟睇下先。」我心裡奇怪著為何腦海裡會出現這樣的情景。

可是我們卻不知道自己身在地圖上的哪個位置，但是我推斷我們應該在營地的西邊，只好憑著太陽的位置來判定方向。

走了差不多十分鐘之後，小彤突然輕輕拉著我的衣角。

「彤彤，做咩事呀？」我疑惑地看著她。



「你俾返件衫俾我先啦，我而家着住你件褸，入面又⋯⋯陣間老師同同學見到唔知點諗我哋？」小彤輕聲細語地說。

「佢哋會點諗呀？」我不明白小彤是甚麼意思。

「哼，你咪扮唔知。」小彤從我手上搶走了她的衣服，然後就走到遠處我看不到的地方自行換上她的衣服。

「我真係唔知喎⋯⋯咦，終於有信號啦！」此時我的電話不斷傳來訊息聲。

「咩信號？」小彤剛好換完衣服走回來，將外套還給我。

「我部電話終於收到信號啦，睇嚟我哋可以更加快返到去。」我和小彤離開了營地這麼久，也不知道老師她們會不會報警找我們。

我和小彤靠著電話裡的GPS系統終於返回營地。

「阿俊、小彤你哋兩個冇事呀嘛？」我們班主任一見到我們平安歸來就頓時放下心頭大石。



「我哋冇事呀，不過我哋有啲攰。」

「係呢，小彤你點解會同阿晴、黎楓芷走散左嘅？呢單野關唔關佢哋事？」老師突然想起了什麼問小彤。

其實我心裡也有些疑惑這件事應該與黎楓芷、阿晴有著千絲萬縷的關係。

豈料小彤說「我都唔知，我諗應該係我自己同佢哋走散左。」

「咁樣呀，好啦咁你同阿俊休息一下先啦！」老師見到小彤這樣說也不再追究下去。

「好，唔該老師。」我和小彤跟老師交代完後就各自回到自己的帳篷休息。

———



「小彤你冇事呀嘛？」我在帳篷休息的時候，阿欣來找我。

「冇事呀！」我想到昨天晚上我和阿俊的情景，心裡不禁有一股甜蜜的感覺。

「你面都紅晒咁，真係冇事？」阿欣目不轉睛地看著我。

「冇呀⋯⋯」我吞吞吐吐地說著。

「你係咪同阿俊發生左啲咩事？正所謂孤男寡女獨處一室，必有損失。」阿欣一邊偷笑一邊靠近我，打量著我的身體。

「邊有呀，你唔好諗埋啲鹹濕野啦。」我臉紅地推開她。

「咁究竟發生左啲咩姐？你放心喎，我唔會講出去。」

「我⋯⋯我同咗阿俊一齊。」我跟阿欣說。



「吓，你哋一齊左？點一齊㗎？」阿欣頓時好奇地追問著我。

於是我就將在山洞的情景一字不漏地跟阿欣說。

「估唔到阿俊都識溝女喎，咁容易就俘虜到我哋嘅校花。」

「阿欣你講咩呀？」我跺著腳，心裡也向自己許諾著要好好珍惜和阿俊的關係。

「係喎，點解阿晴同黎楓芷可以安全返嚟，你就無啦啦同佢哋失散左嘅？我硬係覺得呢件事同佢哋有關。」阿欣不忿地說著。

「我都唔知，但係又冇證據佢哋特登留我一個係野外，况且又係我自己跌落去山坡下面嘅。」雖然這樣說著，我心裡也是覺得黎楓芷和阿晴合謀造成，不過她們也無意中成全了我和阿俊。

可是我和阿欣怎樣也想不到帳篷外有一個女生在偷聽。



———

「估唔到楊小彤冇事不特止仲要同張俊宇一齊左。」我握著拳頭地說。

「你嚟做咩？」當我一走進阿晴的帳篷，她立即冷淡地和我保持著距離。

「使唔使咁快就過橋抽板呀？話晒呢單嘢我哋都有合作關係啦。」

「你唔好亂講，呢單嘢我唔知情。」

「得啦，得啦！我嚟係想同你講楊小彤唔單止毫髮無傷咁返嚟，佢仲要同咗張俊宇一齊。」

「咩話？」阿晴聽到這個消息驚訝得站起來，然後就沮喪地坐在地上一言不發。

「所以我哋諗下之後再搵機會睇下點對付楊小彤啦。」我說服著阿晴。

「好，但係我唔想惹禍上身，你明㗎啦？」阿晴想了一會後跟我說。

「得啦！」只要能夠對付到楊小彤，甚麼條件也沒有所謂。