[甜]人妻食用手冊 II: 第二回 尷尬

第二回 尷尬

 
無女溝嘅日字咪返工放工. 
每日重重複複. 

今日收夜好鬼攰.
當我等lift等到幾乎瞓著時,
忽然有人係身後叫我.



[劉生,咁夜呀?]
回頭一望,
見到一位著住緊身運動衫嘅女人企係到.
原來係陳太,

睇佢滿頭大汗身件緊身運動衫都濕咗一大半,
睇呢應該啱啱跑完步.

[陳太,妳好呀,做完運動呀?]



見佢條氣好似未抖順咁.
[係...係呀.]
 
[你又出街買野呀?]
佢講呢句說話令我個心離一離.

[唔...唔係....其實我好少....]
我都未講完

見佢有D尷尬咁笑一笑講.


[哦...我明嘅.]

妳明?明乜呀?
睇呢佢上次真係喺門隙睇睇我....
屌!好染呀,真羞家.

[lift到啦,劉生.]
尷尬到連lift到咗到唔知.
嗱嗱淋衝入去,
陳太就企係我前面.

企係佢後面望原來陳太身形都幾靚幾fit.
佢足足高亞Cat成個頭,
屬於高頭大馬形.



個pat好圓潤下,對腳又好修長,
如果著埋高踭鞋真係不得了.
真係好想摸兩下.

[到啦,劉生.]
掛住睇腳睇到連lift停咗都唔知.

[呀,唔該.]

[你無時丫嗎?見你心神恍惚咁?]

[無...無野.]

其實係睇佢睇到呆咗啫.
之後各自歸家.