[甜]人妻食用手冊 II: 第七回 生氣

第七回 情緒

當我係到發呆時,
見到係側邊張凳到坐咗一個女人,
一身套裝衫裙,典型OL look,
係陳太.

燈光下望落去其實佢輪廓都幾靚,
雖然年紀都唔細應該三到尾.



但係都keep得唔錯,
個樣幾高貴幾有氣質.

唔知點解夜麻麻佢會坐係到.
正當我打算過去打聲招呼時,
忽然見佢手上攞住支煙點,
原來同我一樣係到煲煙.

我起身行過去講諗住吹兩句,
於是講笑話:[食煙對身體唔好架,特別係女人.]



只係一句好平凡嘅說話,
無諗過陳太會一臉不悅咁望一望我然後講咗句.
[關你L事呀.]
聽到我真係呆咗,
無諗過一位外表咁高貴嘅人都會無啦啦爆粗鬧人.

之後佢好不滿咁放底支煙就起身走咗,
望住未食過嘅煙繼續係將凳到燒,
女人心情唔好時真係唔好招惹.



唉....我D存在感真係底到一個點.
連打聲招呼都比人無視.

第二朝返工,
係門口等lift時又撞到陳太.
同樣一身套裝衫,
見到佢著黑絲高踭鞋,對腳真係好鬼靚.

[早.....]
見佢都係木無表情,
我個晨字都係吞返落肚算.

入到lift好靜....
忽然聽到陳太講:[尋晚唔好意思.]



我以為自己有幻聽,
無諗過會有人向我道歉.
通常道歉都係出自我口.

[乜野事呀?]

[尋晚...]

[尋晚做乜呀,我記性好差,瞓醒就唔記得.]
佢聽完笑咗一笑.
[如果我好似你咁就好...我成日都記起D唔應該記嘅野.....啊...我無特別意思架....]

佢講完即刻好尷尬咁另轉面.
妳咁嘅反應,


唔通佢重記住我嗰晚露J啫....?