[甜]人妻食用手冊 II: 第十七回 死猫

第十七回 死猫

香港人有句好仆街嘅說話,
就係朋友妻咪走雞.
我同陳生只係見過面say個hi,
談不上乜野朋友,
所以.....唔係好仆街啫.

陳太猫到咁,
趴咗係坐廁上面不醒人事.



件衫跌咗一半落呢,
露咗條黑色bra帶出呢,
望落對奶都唔細應該幾好揸手,
呢個角度我可以一手揸落佢對波到.

我係唔係應該繼續四眼仔剛才做緊嘅野呢?
出面D音樂聲話比我知應該要多幾分鐘先打完.
幾分鐘喎,
可以揸好多野過足手癮.



重點係佢老公仲要係出面呀,
諗起都硬硬地.

忽然我隻右手好似唔聽我指揮一樣,
慢慢伸向陳太對波到,

但係.....唔得,唔可以架,
我飽讀聖賢詩書,唔可以咁架.



我立即用左手拉住我隻右手,
唔得架,右手!!
呢個女人真係唔掂得架....

可惜,左手又點夠右手大力,
眼見右手距離對波越呢越近,
我嘅理志亦漸漸比慾望支配.

距離5cm,4cm,3cm,
已經可以感受到陳太嘅體溫.
2cm….1cm…..

[Yeah…..]
嗱...唔係我呀....,
係陳生係出面大叫一聲,


佢應該打完煌黑龍.

不過比佢嚇一嚇,
我隻右手又回復理智....
即刻縮返隻手.

陳生走入呢問:[無野丫嗎?]

[你太太睇呢飲咗好多.]

[係,佢成日要應酬.]
哦...原來如此.

[咁我都唔阻你地休息啦,我返去先.]



[唔刻晒你呀劉生.]

[唔洗客氣,大家街坊.]

[哈哈....乜劉先你都有打芒享?]

[係呀,男人的浪漫.]
兩條麻甩又係到笑.

陳生話:[喂,搵日一齊打丫,成日打野團都係D爛隊友.]

[好呀.]
就係咁我地交換咗個PS ID,
之後我都返咗屋企.



過咗兩日,
我係lift口撞到陳太,
[早晨呀.]
見佢木無表情,
唉....都係唔好惹佢.

忽然佢又笑笑口對住我講:
[嗰晚係唔係你扶我返呢架.]

[係呀.]
睇呢佢想多謝我,

[劉生...]

[乜事......哎呀!!!!]


我都未講完佢已經一巴車過呢.

[你唔好以為我醉咗就唔知你嗰晚摸我呀.]

[吓....我邊有呀?]
點知佢又車多一巴,

[之前見你係走廊做埋D衰野都知你唔方好得去邊,
估唔到你份人差成咁.]

[我....]
佢無聽我解釋已經入咗lift,
重閂埋門.

我有諗過乍喎,但係無做喎,
抽妳水嗰個係四眼仔唔係我喎.
今次真係黑狗得食白狗當災.