[甜]人妻食用手冊 II: 第三十七回 傾訴

第三十七回 傾訴

陳太繼續講佢同早洩夫D野比我知.
[其實佢好好人,當日我係同客食飯,佢知道我飲到咁醉即刻去接我,
如果係我老公,佢只係會叫我坐的士返呢,然後自己繼續打機.]
好彩陳太唔知就算佢返到屋企佢老公都係依舊掛住打機.

[Joseph見我醉成咁都無帶我去D唔應該去嘅地方.]

[啫係酒店?]



[嗯.]

[妳都鍾意佢?]

[嗯.]

[咁妳地有無....]

陳太搖搖頭.


[佢係一個有教養嘅人,唔會做D咁低裝嘅野.]
唔係呀化,乜野年代?仲有男人咁傻仔?
咁唔怪得之佢咁餓係街到咁多手啦.

我講笑話:[最多都係手多多啫.]

陳太笑住講:[換轉係你丫,我諗我瞓咗係酒店啦,係唔係呀?]

[攪錯呀,咁睇我.]
雖然我真係有咁諗過.



[其實....我係偷食專家,唔係愛情專家,比唔到乜野意見.]

陳太又耷底頭笑一笑:[我知,我只係想搵人傾訴,我唔可以同任何人講,只好搵一個我唔識嘅人講.]
一個人到底要幾咁絕望先會去搵一個完全九唔答八嘅人傾呢D野,
睇呢佢同我一樣無乜知心友.

[咁妳放心,我把口好密.]

陳太笑笑口講:[我先唔驚,你有把柄係我手.]

我又笑笑口回佢:[歡迎加入出軌俱樂部.]

[我地係唔係好自私?]



[係,但係有邊個人唔自私?]

[原本只係打算同你講聲sorry之後就走,無諗過會同你講咁多野.]

[咁妳又講?]

[因為你同我一樣,都係無資格企係道德高地批判人.]

我吸咗一啖煙:[咁妳打算點?]

[唔知,有乜高見?]

[唔好比任何人知.]

陳太只係苦笑一下然後講:[點解我地人唔可以愛多過一個人?]



[因為...要洗好多錢架,過時過節生日重大鑊,有D戲又要睇兩次,明明知晒D戲情又要扮唔知喎.]

聽到我咁講陳太笑咗出呢:[哈哈...你果然經驗豐富.]
見都佢成個人輕鬆晒咁.
[唔該晒劉生,同你傾完過人開心好多.]

[陳太,妳想搵人傾我幾時都可以.]

[你叫我Sally啦.]

[OK,咁妳都叫我亞安啦.]

[我走啦,你都唔好咁夜.]



[唔得呀,我要夜D先返.]

[點解呀?]

[散咁D酒氣.]

[哈哈,bye.]
陳...Sally起身走咗,
望住佢個背影,越走越遠,
又得返我一個人.

唉...好野通常都係多人爭,
有老公已經難,
現在重要多個有錢仔,
睇呢我真係可以死心.