[甜]人妻食用手冊 II: 第四十一回 職場

第四十一回 職場

陳太坐係我側邊問:[做乜呀,又同老婆嘈交呀?]

[唔係,我地都無乜好再嘈.]

[個關係真係咁差?]

我噴咗啖煙講:[唔係差....而係....妳有無聽過一個名詞叫卒婚?]



陳太邊用手抹汗邊搖搖頭.
[呢個詞係日本人發明,意思係當兩個人結婚好耐,
完成咗家庭責任之後各自追求自己嘅生活,但係繼續保持家庭關係.]

陳太冷冷咁講:[婚姻不知不覺變成咗現代人嘅枷鎖.]

[或者係有D人根本唔適合結婚.]

[係....]



望住佢我忍唔住問一個好白痴嘅問題:[妳覺得我份人係唔係好無道德.]

[做乜呀,現在先呢後悔想改過自新呀?]

[痴線,我啱啱先約咗女....]

[咁你自己都有答案啦.]

[咁想睇下其他人眼中嘅我係點丫嗎.]



陳太突然挨近我一隻一隻字講.
[賤.男.]
呢個答案都係預計之內,
正常嘅邊有人會覺得一個鍾意偷食嘅男人會係好人.

不過之後陳太耷低頭講,
[其實講道德我都唔好得你幾多.]

[咁妳都係得早洩夫一個啫.]
陳太欲言又止無出聲,我繼續飲啤酒.

[你知唔知係一個男性主導嘅商業世界,
女人要出人頭地有幾難?]

[明....我以前做廠都知.]



[好多年前啱啱出呢做野,
心高氣傲成日希望闖一番事業,
可惜一直浮浮沉沉,
直至有一次我同另一個男同事去見一個大客,
去到坐底,個客一路都以為我係男同事嘅秘書.]

[咁之後呢?]

[我同個男同事都想簽到呢個客,
我知道呢一次係我上位嘅好機會,
於是我洗橫手搶咗個客返呢.]

[點搶呀?]



[我偷睇佢嗰份報價單,之後我開出更好條件.]

[嗯.]

[嗰位男同事從此只能在我之下,
嗰一刻好開心,終於吐氣揚眉.]

[商業社會弱肉強食.]

[但係開心係要付出年代價.]

[之後比人針對?]

陳太搖搖頭望住我問:[你知唔知我開乜野更好條件?]



我講笑話:[妳唔好話比我知妳應承同個客上床呀.]