[甜]人妻食用手冊 II: 第六十三回 自私

第六十三回 自私

深深吸一口大氣,
整理一下情緒,
打開屋企大門.

見到個廳依舊放滿貨品,
我諗老婆應該重瞓緊.

靜靜開房門睇下,


點知一開門入面居然無人.
咁早去咗邊?

走去亞仔房睇下,
見佢已經係到打機.

[仔,你亞媽呢?]

[唔知喎.]



[佢幾時出去架?]

[幾時?咪尋晚食完飯囉.]

[吓...佢成晚無返?]

[係呱.]

[咁佢有無話去邊呀?]



[唔知喎.]

真係有D唔耐煩:[有無攪錯呀,問你乜都話唔知.]

[我鬼知你地D野呀.]
之後佢就閂返房門.

攪乜呀?以往最多到係上wewomwom堂夜D返啫,
現在直頭唔返呢瞓?
之前見佢都成日鬼鬼祟祟咁傾電話,
唔通....佢同我一樣去偷食?

突然聽到開門聲,
見到老婆返呢,
佢個樣好似好攰咁.


[老婆,妳返呢啦?]

[嗯.]

[尋晚....]

[我好攰呀乜都唔想講只係想瞓.]
之後就推開我入咗廁所.

攰?做咗乜事咁攰呀?
不過講真我都有D攰....

Shit,咁啫係同我一樣偷食啦.
等佢出呢問清楚.



點知佢去完廁所一出野又一手推開我入屋瞓咗上床.
唔得,唔問清潔我唔死心.
我細細聲講:[老婆....]

[唔~~]

[尋晚....]

[唔~~]

[妳....去咗邊到呀?]

[唔~~~]

妖...有無攰成咁呀.


[老婆....]

忽然老婆好唔耐煩咁坐起身大聲講:[你做乜事呀?]

[無...我想問妳尋晚去咗邊啫.]

[我咪一早whatsapp通知咗你囉,
尋晚月圓,我同一班師姐去靈修吸收靈氣呀,
你唔好再煩我啦!]

講完之後又再瞓返落床.
吸收靈氣?武俠小說咩?

我即刻開電話一睇,
見到佢影咗張相成班女人圍住坐係到打坐.



妖....原來係邪教聚會.
等我重以為佢出去偷食.

乜啫...咁男人係咁架啦.
邊有人鐘意自己老婆出去偷食架.