今日我開始左對公司啲同事進行復仇大計: 第二十三節

阿油一朝早喺我屋企樓下等我，佢神神秘秘咁塞左個紙袋畀我「文件袋入面嘅嘢我係喺Judy啲email入面搵到，另外仲有啲相係我搵阿虎跟住Judy偷影。你要升職呀嘛，入面啲嘢夠你做低Judy架啦。」我真係估唔到阿油會畀我更加落力去整Judy，雖然我都知背後係邊個指使，但係扮下嘢都好我都要問下阿油點解要咁做。「早幾日Miki向我哭訴，佢話由入職以黎Judy一直恰佢恰到上面，Miki本身已經對佢多番忍讓，不過Judy個老女人都係唔肯收手，作為佢男人我唔可以唔出手保護佢。」做兵做到當正自己坐正，阿油真係又天真又可愛，更何況Judy都係大阿油一年，佢有咩資格叫人老女人……我繼續問：「入面疊紙同相係咩黎？」「入面疊紙詳載住Judy一直暗地裡食公司夾棍，佢成日暗地裡將公司生意放畀佢朋友間公司去做，而疊相係偷影到佢成日同其他公司啲人私下應酬食飯。有呢樣嘢加嘛，我肯定佢畀人炒硬架啦，你仲可以順手立功博升職，一家便宜兩家著呀。」

 

我望住個文件袋，考慮左一陣，雖然呢疊嘢真係好有用，但係我好唔忿氣我要畀阿油同佢背後嘅Miki牽住鼻子走。我決定都係吊高黎賣，嘗試攞返個主動權。「你咁樣走去爆人email account，又走去搵人吊住Judy尾，其實真係好變態，如果畀Miki知道左佢一定覺得你係痴線佬。」「為左保護Miki，我咩都唔怕做，我相信Miki會體諒我。」「既然Miki會體諒你，咁不如而家我地直接將件事一五一十咁講埋畀Miki知啦。講埋上次你跟蹤佢去買內衣果單嘢畀佢知，你都係為左保護佢咋嘛，佢一定會體諒你架。順手講埋畀佢知你晚晚諗住佢打飛機啦，你打飛機都係為左等自己洩左慾唔會有一日忍唔住強姦佢姐，都叫係為左保護佢呀，佢一定會體諒你架，順手講埋佢知啦。」阿油聽完即刻面色一變，佢繼續硬住頭皮講：「咁…咁你即係要唔要疊嘢，機會唔係成日都有架……」我聽完之後放聲大笑，之後用充滿住霸氣嘅語氣同佢講：「你同搞清楚，而家係我幫你，唔係你幫我。係因為你條變態佬有色心無色膽，連幫自己鍾意嘅女人都唔敢做出面，咁啱我份人夠大量又善心，先免為其難幫下你。拿拿臨講聲唔該先啦。」「唔……唔該」「唔該邊個呀？」「唔該James」「James哥呀」「唔……唔該James哥……」我聽到之後又忍唔住大笑，之後喺佢手上拎左疊野，同佢講：「我會慢慢研究下點用呢份嘢架，你返去公司諗住Miki劣住條賓周仔等通知啦，你唔好跟埋我一齊返工呀，我唔想畀人誤會我同你有路呀。」阿油雖然好想駁我咀，但由於佢係果種典型門口狗毒男，一出左家門無左佢老表無影虎喺度傍住佢佢就唔敢出聲，所以佢除左轉身離開之外都無其他選擇。

 

由於要處理阿油畀我嘅秘密武器，我遲左啲返到公司。其實我幾肯定連Miki都唔知呢袋嘢嘅存在，因為阿油點敢話畀Miki知佢咁無道德呀。所以喺一入門口見到Miki果陣，我不禁對佢流露出囂張嘅表情，點知佢走埋黎喺我耳邊細細聲講：「咁遲返，你唔驚你個Daisy畀人食左咩？」講完之後，佢用佢嘅眼神引導我去望正言談什歡嘅Evans同Daisy。不過我唔可以喺Miki面前流露出半分醋意，而我亦覺得佢呢一刻亦都有對Daisy心生妒忌。我細細聲喺佢耳邊回敬佢：「不如我地而家喺佢地面前造愛，等佢地調返轉對我地心生妒意啦。」聽完我嘅回答，Miki就無再理我行開左。從呢幾日我觀察Miki對Evans流露出嘅表情，我好肯定佢應該係好鍾意Evans，而且我估計佢應該喺未入黎公司，佢地仲喺美國讀緊書果陣Miki已經對Evans暗生情愫。可惜神女有心，Evans應該係喺返左黎香港再喺公司重遇Miki，先開始對Miki有興趣，但係偏偏喺Evans終於注意到佢之際，Daisy亦同時引起左Evans嘅興趣。尋日睇到Kathy…呀唔係係Katy講起Daisy果陣，我係好有衝動想同Daisy表白同佢一齊，不過睇黎為左可以喺最後完勝Miki，Daisy有必要喺Evans面前保持住單身狀態多一陣……