故事一：殭屍之城: 六：殭屍妹妹－新家人編

「如果拎你去展覽或者好受歡迎～」詐殭妹妹：「死啦！」［用太刀擋住］

一個西裝女人：「梳打！係嗰度啦！」喺佢身邊嘅係一個MK look嘅男仔。

梳打：「madam，仲有個人喎」個殭屍妹妹好驚，行去我後面拉住我條衫、成個人震晒。

madam：「警察，麻煩交佢出嚟」殭屍妹妹驚到口震咁向我求救：「救我...求你...」

原本佢係殭屍，我應該殺咗佢。但唔知點解我覺得佢好唔同。理性叫我推佢俾嗰兩個警察，但......





我抱起佢就跑，madam：「追！」佢兩個跟上嚟。梳打：「咪走！」

跑到個垃圾箱後面，將個垃圾箱踢去佢哋度。madam：「啊！」梳打拎出一張黃符、飛向我哋，張符貼咗係我背脊，我正要跌落地［轉身］令詐殭妹妹係上面，我背脊落地。

佢哋行過嚟，幾個著反光背心嘅人出現，飛咗張符過嚟，然後就出現濃霧。天哥：「走啦！」
.
.
.
［VCD總部］
天哥：「有冇受傷呀？」「點解會救我哋？」天哥：「殭屍都有分好同壞，你搏晒命救佢，一定有你嘅原因...」





「你哋工作唔係殺殭屍咩？」秋叔：「比著以前我哋一定殺咗佢，但我哋以前都俾一個殭屍救過，佢係阿天嘅女朋友」

冬冬姐姐：「佢個樣仲同我一樣添～」詐殭妹妹流咗啲血。

冬冬姐姐行過去。佢即刻依起棚牙：「嗄...」，正當擔心佢會傷害冬冬姐姐嘅時候。

冬冬姐姐撫摸佢個頭令佢平靜，然後同佢消毒丶止血。佢血紅色嘅瞳孔變咗做黑色、尖牙變成正常嘅牙，然後攬住冬冬姐姐。

聰叔：「佢已經係轉化完成嘅人靈殭，身體同人類冇分別，不過有殭屍嘅力量、但冇感染力，唔怕陽光、佢肚餓嘅時候可以食嘢」





天哥：「小夏都係人靈殭...不過未轉化哂就已經......」秋叔拍一拍佢膊頭。

［屋企］
拎出兩個杯麵「係啦，你叫咩名呀？」殭屍妹妹：「名？」原來佢冇名「我叫魏延亮」 殭屍妹妹：「魏延亮...我都要叫魏延亮～」「唔得㗎...」殭屍妹妹：「點解？」

「咁啦，你叫魏芊雪，好冇？」殭屍妹妹：「唔...好啦，我叫魏芊雪」

「係啦」芊雪：「嗯？」「嗰個婆婆係你殺嘅？」芊雪：「唔係呀，我去到嘅時候佢已經瞓喺嗰度嘅」

餵完佢食杯麵之後教佢用腳行丶活動隻手丶拎嘢丶揸筆/筷子/匙羹叉之類。

我俾咗家姐間房佢瞓，聽朝仲要返學，早啲瞓啦......

［第二日－學校］




唔知芊雪喺屋企點呢，我喺學校睇唔到佢㗎喎......係啦！
.
.
.
［VCD 總部］
聰叔：「咩話，返學？」「係呀，佢係屋企又冇嘢做」秋叔：「怕唔怕有麻煩㗎」

天哥：「 聰叔，不如我哋幫下佢」 聰叔：「唉...好啦，我試吓」

［過咗一段時間］
聰叔：「我同佢登記咗，就當係搵返失憶嘅失蹤人口咁處理，同佢登記咗身分同埋間小學」

「今次真係唔該晒你」 聰叔：「係啦，係關係果欄寫咗你係佢阿哥」「嚇？？」 聰叔：「如果唔係親人關係，佢會被帶去孤兒院㗎」「好啦...」

就係咁，我多咗一個讀小五嘅妹妹。





待續