故事一：殭屍之城: 九：殭屍女王－平行世界友人編

自從上次同芊雪睇完魔雪奇緣之後，佢好似迷上咗迪士尼，仲買咗啲迪士尼嘅周邊產品。

因為咁，佢話想要去「城堡」喎......香港除咗迪士尼邊搵到城堡......但我唔鍾意多人嘅地方。

不過我知淺水灣有間英式古堡，但係嗰個古堡有啲邪...

［淺水灣余園］
呢度真係好似生化危機一入面嗰啲恐怖大宅咁，我感到有啲陰。

芊雪：「呢度好舒服呀」係喎，你本來係殭屍。［推開大門］





芊雪：「嘩～」芊雪好興奮。入到去我開始覺得膊頭好重。

芊雪跑入去。「等陣呀」呢度鋪滿晒塵、角落頭有好多蜘蛛網。

芊雪：「我要好似Elsa咁做女王～呢度做我嘅城堡！Let it go, let it go......」睇嚟你真係好興奮......

「呀芊雪女王～本兄先去露台坐下，你參觀完過嚟搵我啦」 芊雪：「嗯～」
.
.




.
雙手搭喺露台嘅石欄丶觀望住下面嘅湖。［湖水出現波動］「魚嚟嘅啫應該」

［一副棺木從湖水浮起］「殭屍？」［ 棺木爆開，一個着住英式貴族服裝嘅殭屍出現］

披頭散髮(白髮) 、面色蒼白、皮膚已經收縮到貼骨、紅色嘅眼睛。睇唔出係邊一種殭屍......

佢唔係跳...而係行。佢已經入咗古堡！

「芊雪！」［拎出挑木太刀］上層傳來芊雪嘅聲音：「啊！」我即刻跑上去。





好多隻着着燕尾服嘅白殭同綠殭。芊雪依家身上流着人類嘅血，可能成為咗佢哋嘅目標。

「去死啊！」一刀劈落去消滅咗兩隻。「睇嚟佢哋以前係呢度嘅下人，芊雪！唔洗驚」

［左右橫斬＋一個轉身重斬］開咗條路之後捉住芊雪隻手，正想衝出間房嘅時候。

度門爆開，頭先下面隻殭屍企係我哋前面。

［一刀切落去］佢冇反應、捉住我把刀然後連人帶刀成個扔出去

「乜鬼嘢嚟嫁...」芊雪雙眼嘅眼白出現紅根，目露兇光、依起棚牙：「嗄......唔準...蝦我哥哥」［凝視着］隻殭屍。

一團嘅粉塵從窗邊爆出，嗰隻殭屍好似好驚啲粉塵。一個年紀同我相約嘅男仔從窗邊跳入嚟





「你係？」傑洛德：「傑洛德，遲啲再講」傑洛德：「呢隻係吸血鬼，你嗰把太刀未必對佢有效㗎」

傑洛德拎出掛繫頸上嘅十字架對住吸血鬼 。隻吸血鬼好似俾強光照住咁，縮埋一邊用手擋住。

仲有好多隻殭屍包圍我哋。芊雪：「我先係女王！全部停啊！」 芊雪抓住一隻殭屍，隻殭屍身上出現粉紅色符文然後燃燒。然後再對其他殭屍陸續使用。

我都唔可以繼續呆喺度，一齊清理啲殭屍。

待續