[兩個月前-藍田一個大排檔]
一個身穿黃色道袍、腳踢人字拖、左手擔住一支煙嘅大叔頹廢咁獨自坐喺一枱。

老闆坐低:「道友~開完工呀?」道士大叔:「係呀...做咗場法事」老闆:「係喎,你嗰啲,法...術呢,係咪真㗎?」

道士大叔:「痴線...呃下啲師奶阿叔嘅啫,世上邊有啲咁嘅嘢㗎」

老闆:「阿仔係屋企呀?唔同你一齊落嚟食嘅?」道士大叔:「個衰仔...」

道士大叔:「係喎,嗰個客瞓咗喺嗰度好耐㗎啦喎」





有一個客人瞓喺對面枱,老闆:「香港人攰囉~」老闆過去拍一拍:「先生,先生...醒啦」

老闆拍極個客都冇反應。老闆搖一搖佢都係冇反應,仲跌埋落地。老闆:「飲到咁醉呀?」

老闆擰過嚟:「冇辦法啦...」個客慢慢起返身......[打開眼(眼珠係渾濁嘅白色)丶口中係流住血嘅尖牙]

個客伸手捉住老闆:「啊!」「喂!」道士大叔走過去幫手分開佢哋。

[一腳撐開佢]




個客雙腳合埋,伸直雙手跳過嚟。唔係殭屍呀嘛......老闆:「道友呀!快啲用你啲法術啦!」「都話假㗎咯...」

佢就快跳近我哋......一個清道夫用把木劍穿過咗佢,個殭屍化成灰消失。

[家中]
大叔:「喂!衰仔!」[兒子房間的關門聲]:「碰!」大叔:「正衰仔!」

枱上有一個辟邪保平安嘅「釘型」水晶。係兒子送俾道士大叔嘅生日禮物。

[第二日-旺角]




兒子碌住手機,前往先達廣場,人來人往嘅旺角......

兒子:「頂...早買咗,依家平咗咁多」私家車快速駛過嚟!「碰!」
.
.
.
大叔痛哭:「仔...仔呀......醒啦!醒啦」兒子嘅屍體瞓喺枱上。

大叔將兒子偷運返屋企。喺床下底翻找一本舊書...... 大叔:「有啦!阿仔,你放心,好快冇事㗎啦」
.
.
.

大叔:「養屍者,損四陰之地
燒凍土符,煉活火咒




屍底胸口,倒放陰八卦鏡
以聚八方陰氣
此後七七四十九日
每日每隔三個時辰
必須燒符唸咒 一旦停止 功虧一簣
施術者,更會折壽損福 不得善終

煉屍者,選一身形相貌酷似
名運相同,死於非命者
於斷氣六個時辰內,墊於屍底
以氣過氣,以命換命」

[路上]
大叔駕駛私家車將一個年青人撞死,然後帶返屋企。





大叔:「至以至親血滴,倒滿三個竹筒
模仿嬰孩母胎羊水
浸泡屍身六個時辰
然後於黎明時分
取東方初陽之氣三口,灌入屍口......」

待續
已有 0 人追稿