故事一：殭屍之城: 二十六：藍田邨水怪－厲鬼村篇

「一下(斬一)、二下(斬二)、避開(退後)」

［儲力......(佢行到同我仲有五步距離)放！用力一斬，佢成個瞓咗落地］

［開槍］石敢當：「果然，怪唔得本尊嘅靈箭對佢造唔成傷害，佢著住古代偉人嘅服裝， 本尊嘅靈箭只能對邪物產生傷害」

「放心啦」［上前、一下、兩下、退後(同時開槍)］佢退後跳、我都退後跳......佢撲過嚟。［退後跳＋劈！再開槍］

人煉殭不斷上前瘋狂爪擊，我不斷退後。［收槍入腰間、拉長斧頭棍部，變成長武器(長斧)





佢停止之後，［儲力......旋轉兩個圈，重擊片開佢］［斧頭向前捅］

傑洛特拎住一個釘型石出嚟：「將呢個插入佢心口！」

石敢當拎住兩支靈箭，插落人煉殭雙臂，控制佢面向傑洛特，傑洛特將個石插落人煉殭心口。

人煉殭停止行動，一啲黑色嘅氣體吸入個石度。石敢當：「只要等佢嘅陰氣散去，就可以消滅佢」

［收返做短斧頭］「終於搞掂」 石敢當：「延亮，你進步咗好多，啱啱嘅招式一定要控制得呼吸好好先可以不斷使用」「練過㗎嘛～」





傑洛特：「喺我嗰個世界都冇呢隻怪物嘅」「唔～始終係平行世界」

(一隻成身水嘅鬼偷偷接近人煉殭) 石敢當：「邊個！」水鬼即刻進入人煉殭體內。

我哋即刻戒備。被水鬼附身嘅人煉殭爆出釘型石：「呼～終於有返軀殼」石敢當：「何方小妖！」

水鬼(雨災)：「我叫雨災，當年俾彩龍打敗，今日終於以更強嘅姿態返嚟啦！」

「唔通！你係當年同十五座飛龍決鬥嗰一個！」 雨災：「你講啱咗啦，一隻咁嘅四腳蛇竟然可以打到我咁！」





石敢當：「延亮，到底係咩事？」

「據講當年藍田邨經常落大雨，而呢度一直流傳住有水怪嘅傳說，1970年興建藍田邨嘅時候，喺15座畫咗一條六層樓高嘅彩龍。

喺一個暴雨嘅晚上，呢度嘅居民都見到一條彩龍同水怪決鬥，水怪打輸咗之後再冇出現，自此之後天氣就回復正常」

石敢當：「睇嚟，係精靈」雨災：「全靠你哋打敗咗人煉殭，我先有機可乘」

傑洛特：「睇嚟未可以休息住」 雨災：「哈！」一道水漩渦從佢下面出現吸佢入去......只剩下一攤水喺地下，佢已經唔見咗。

「畀佢走甩咗」 傑洛特：「希望佢唔會搞啲咩出嚟啦」
.
.
.
［屋企］




一返到屋企，芊雪行出嚟：「哥哥」「嗯？」芊雪：「哥哥，我想要呢個公仔」芊雪拎出電話俾我睇，係一個Elsa公仔。

「唔，星期六同你去買～」芊雪：「yeas～」石敢當：「咁會唔會太縱佢呀？」我好似已經習慣佢突然間出現。

「話晒我妹嚟㗎嘛」 芊雪：「呢個哥哥係邊個？」

待續