故事一：殭屍之城: 二十八：惡魔鬼之城－哈佬喂世界

落到街真係好似去咗萬聖節海洋公園咁，只係呢度真實好多。

因為地下仲有一啲煙霧同埋紫色光。樹上面仲有啲頭髮，居民有殭屍、鬼、喪屍、木乃伊等等......

只係對於人樣嘅石敢當有啲感到怪異。「係啦，我哋要去邊」傑克：「鬼城」

===== ===== ===== =====

［鬼城］
惡魔：「丹布拿大人，佢哋到咗啦」一個坐喺血淋淋嘅寶座上面，深紅膚色、白長頭髪鬍鬚、尖銳黑色嘅指甲、年老外表但身體強壯嘅魔界之王－丹布拿：「好，咁...你哋去啦」





魔界嘅四隊魔族：「係！」

===== ===== ===== =====

傑克：「有十六個魔族嚟緊」［左手拎出火槍；右斧頭］

石敢當拉弓...放出靈箭穿過兩個。傑洛特嘅銀劍劍身嘅咒文發出綠光；傑克從佢胸口拔出兩支骨頭(兩支骨頭發出紫色光)。

我哋分散各自對付魔族，佢哋嘅面同手腳生滿毛，左手拎住大刀，身穿古舊西裝。





［向右開搶；劈左］...... 石敢當拉弓，放出三支靈箭。［退後(避開)再劈］傑洛特用靈巧嘅劍法斬擊...再放炸彈。

傑克從空中打出兩個藍色鬼火(燃燒魔族)
.
.
.
之後嘅一路上都冇妖魔鬼怪搞我哋。

傑克：「山上面嘅城堡就係啦」石敢當：「咪住，一路上都冇人阻攔我哋，唔係好奇怪咩？」





傑洛德指住另一個山頭：「嗰邊啊！！！」山上數以萬計，拎住一支紅色叉嘅嘅惡魔。

所有人拎出武器戒備......佢哋好密集咁飛去我哋呢個方向。

冇可能打得贏...數量太多啦！

［向前劈兩下...(背部俾人打咗一下)］「啊！！！」［收槍入腰間、拉長斧頭棍部，變成長斧］

［旋轉打橫劈兩個圈再右掃一下］石敢當拎住兩支靈箭進行打擊、傑洛德用火印之後劍劈、傑克好似機關槍式咁放藍色鬼火。

「太多啦！」對方陸續有嚟。［飛個斧頭出去、向後開一槍、跑過去拎返個斧頭］

石敢當：「啊！！」佢雙眼同全身放出綠色嘅光，之後用兩支靈箭殺出一條路。





傑洛德好快咁拎出一支裝住藍色液體嘅樽仔飲咗......佢雙眼發出藍光，之後就好似食咗偉哥咁暴擊。

我都嚟！［落手印］斧頭發出紫色光嘅符文。 ［收槍入腰間、拉長斧頭棍部，變成長斧］

［跑上前跳起、用力打落地！！！］一道紫色能量從地下爆出嚟，圓型嘅氣場震暈咗附近嘅惡魔。

但惡魔數量仍然仲好似有千萬個咁多......

待續