我中出咗副校: 47. 計劃開始

佢哋兩條友夠膽死咁明目張膽，日光日白喺學校天台搞埋啲咁嘅嘢？

最衰校董會嗰班全部都係校長嘅人，就算佢哋唔係，都只會息事寧人，當無事發生過。

條片又唔算性騷擾，唔可以舉報去啲咩協會。

唯一嘅途徑，就係喺網上搞大壇嘢佢。

只可惜喺網上實在係太容易比人追蹤到，隨時話埋我老屈佢，用啲咩deepfake, 最後告埋我誹謗。



咪住，我咁快淆底做乜啫，宜家啲的士車cam 片都係咁樣比人放上網㗎啦，又唔見流片出去嗰個無事？

唔係喎，新聞好似話個的士佬放呢啲片可以比人告淫褻罪㗎喎！仲有，學校係私人地方，放條片又會犯啲咩私隱條例嚟㗎喎！

是但啦，男人老狗就唔好咁蛇𠺌，反正呢個又係網故，唔使咁認真喇！：）

上網爆料，梗係搵IT 狗最適合㗎喇！

就算冇乜迴響都好，至少我叫做有做過嘢呀！



我用住facebook, 碌下有無咩熱門啲嘅羣組可以放條片上去先！

最後，我mark底咗五個facebook group。放啲片上公海應該比較安全啩？

mark完之後，我就去咗鴨記買咗$100蚊，五張太空咭，一部盛惠都要四舊水，好舊嘅二手三叔note 2.

洗一洗機，喺西九food court用翻半個鐘root 咗部機佢。

之後，走去超市買翻卷錫紙，一陣用完包翻住所有咭同電話。好彩有帶背囊啫！



下一步，就可以去遊車河喇！

我用住50蚊換咗堆神沙，就走咗去搭車。

喺長沙灣道，咁啱有㗎八字頭嘅巴士，兜獅隧去馬鞍山嘅。應該夠長㗎喇！

就用嗰五張太空咭，每個各開兩個email, 一個facebook account.

插咗SD card 同 太空咭後，就開咗兩個gmail, 之後就咁用電話咭SMS驗證開facebook.

upload 埋條片，caption 就寫學校真人版AV 啦！

完事後，架車先去到石硤尾！

我將SD Card 同第一張sim card 放入自製，有幾層嘅錫紙袋後就重新洗機，root 機。



宜家先12點，一定趕得切去中同聚會啦！