完咗中同聚會之後,我地幾條友開咗個whatsapp group 方便之後再約,而我一開whatsapp 亦都繼續接到排山倒海嘅信息。

HGS 2019-2020 teachers:
「請問校長對今次呢件事有咩回應?」「學校嚟緊會點樣回答傳媒?」「宜家係咪要即時暫停李sir 嘅職務比較好?」「學校會唔會出翻啲指引俾老師學生同家長點樣去應對星期一返學可能會出現嘅記者?」

香城女中男教師羣組:李sir has left the group
「係咪要add 翻李sir?」 「但咁樣好尷尬喎!」「冇咗佢咪可以盡情吹水囉」「是但啦,聯絡唔到佢呀」「真係估唔到校長原來咁淫」「但李sir 好驚佢老婆㗎喎,鬼會偷食呀」「點睇都係似嗰個變態女人虐待加強姦男老師啦」「劉sir, 你同佢最熟?點睇?」

我回覆:「佢話佢有證據證明佢唔係自願喎」



「都唔出奇呀,啲管理層女人不嬲都飢渴到爆,都成日想食住班男老師,今次李sir 真係慘!」「劉sir, 請代我們慰問李sir!」 「都唔知今次呢壇嘢可以點收科!」「段片好明顯就係學校天台,就算校長扮嗮嘢話嗰個唔係佢,今次點都係要搵人祭旗㗎喇」

另一邊廂,李sir 亦都send 咗幾段錄音比我,聽完簡直係令人心都寒埋。

咪高峯收埋尖銳嘅開門聲,應該就係天台嗰道十年冇開嘅門。

「你......你又約我上嚟天台做咩呀......今次着成咁嘅......」一聽把聲騰嗮雞就知道係乜都淆底嘅李sir。

「係呀!邊叫你拽拽呀!做咩唔覆人電話啫!我要打打㗎喇!」



「吓.......唔好啩.......」畀着係我,我應該腳都震埋,仲邊錄到音。

「咩呀,打你係爲你好咋,你鍾意吖嘛!嘻嘻!」

「你唔好過嚟啦,唔係嘅話我報警㗎喇.......」呢啲咁嘅威脅邊會有用㗎。

「你咪報囉,你係報嘅我一早比人拉咗啦!」咁又係,以李sir 咁嘅性格,佢真係唔似夠薑搞大件事嘅人。

「呀!嘭——」



「卡勒卡勒......」

錄音去到呢到已經完咗,聽得出係李sir 好急咁偷錄嘅。

第二個錄音就係佢哋做緊嘅聲,只聽到女方好享受咁呻吟,而男方就隱約有啲啜泣聲。

大佬,你咁好恰,比人姦都唔還手,怪唔得知佢會揀你嚟做目標啦。

不過都好,至少聽到李sir 唔係自願嘅,應該都叫做ok.

「你仲有冇其他證據?whatsapp cap 圖?通話記錄?」

「我有呀,原本諗住慢慢搜集佢啲罪證告上勞工處。只不過宜家搞成咁,仲點收科」佢連帶send咗嗰啲罪證嚟。

「算把啦,勞工處,政府幫我哋啲小員工唔到㗎喇,既然單嘢都揚咗,一於發大件事囉。將呢啲擺埋上網!」



「會唔會犯法/俾佢告?」

「咁佢鍾意將成件事屈落你到都得㗎喇!使理比唔比佢告咩?爆料比傳媒好似幾好喎!唔掙在同佢哋做訪問,澄清成件事。」

「仲有,我查過,因爲呢啲你有份嘅資料係由當事人提供,而唔係第三者,所以應該唔會侵犯私隱條例。」爲咗搞呢壇嘢,我特登刨咗成份政府條例先做嘢嘅,雖然我唔係律師,有啲位都係唔清楚。

「咁呀......」

「一於就比生果日報爆料熱線啦!佢哋呢啲新聞做得幾唔錯㗎!」

「仲諗呀!萬一校長快你一步做嘢,你就水洗都唔清㗎喇!」呢啲我哋都諗到嘅計仔,佢點會諗唔到呀,更何況佢有錢有權。

「完成,多謝你幫手呀,有咩事上嚟得你一個肯幫我咋」佢send 咗自己同生果聯絡嘅cap 圖。



「唔使多謝,我係睇唔過眼啫,邊可以咁離譜㗎」

「識到你真係好彩!」男人老狗講呢啲,怪唔得我成日都覺得佢基基地。

我真係諗唔到點覆,話嗮自己都有啲良心,唔忍心見到人地咁信個搞到佢雞毛鴨血嘅人渣。
 
已有 0 人追稿