我中出咗副校: 72. 換人

雖然雙峯喺手臂嘅夾力下變得更雄偉，但係佢今日呢件緊身衫包到冚，都冇咩好睇，頂多算好摸啫。

時間好快過，佢亦喺淘大嗰度落車，老實講，我真係唔知佢呢啲有錢女去呢度嚟做乜。

呢個時候，我竟然見到郵箱多咗封email。有邊個會放咗工先send 嘢過嚟呢？

我一撳入去，就見到寄嗰個正正係Miss Chan， 仲CC 埋其他有關嘅老師，內容就係確定韓國科技及經濟遊學團嘅老師同學生名單。

學生名單同之前嘅一樣，而我照舊見到Cherry 個名。



至於Miss Chan 作爲總負責人，當然會跟團啦。

而佢個名下面，正正就係我個名。

原來佢一路用住部電話，就係爲咗send 呢封嘢呀？

我心頭頓時覺得好窩心，好溫暖。

就喺佢走之後嗰刻，我就已經從男老師grp收到邊個接任新校長嘅消息喇。



「校長接任人選：劉林淑貞」訓導主任send 咗呢段小道消息畀我哋。

下面仲要好抵死咁有嗰個女人嘅全身相，只見佢好高興咁參加啲唔知啲咩慈善活動，頭上面頂住個掃把頭，下面就竟然着短褲，將佢嘅「美腿」一覽無遺。

咁嘅質素，應該唔會有男人候啦……

「呢個人聽講以前喺大學教書，出名狠毒，仲要又係校友嚟㗎喎。」其他人開始講。

我即刻上網搵呢個陌生嘅人名，就見到呢個其實個樣好過副校少少嘅老女人藐嘴藐舌嘅奸毒樣。



唉，唔似以前嗰個麻煩校長，今次呢個阿婆睇落似係做得嘢嘅人，應該係大粒嘢嚟嘅。

「你收到風未？」副校助理忽然間whatsapp 我。

「你講校長？」

「yes」

「聽講佢係副校嘅姐姐……」

「吓？」