我中出咗副校: 90. 色誘

「你流咗好多汗呀，快啲沖涼先啦。」佢叮囑住我。

「但唔夠時間喇喎，你一唔一齊嚟沖？」雖然未同佢熟到要鴛鴦戲水，但都無理由淨係畀我沖，唔畀佢沖嘅，佢又咁好心。

「誒……，都ok 呀。」佢羞澀噉答。

結果，我哋全程都係背對背沖，冇任何嘅接觸。

完事後，我目送住佢上巴士。



「下次再約喇！」溫暖嘅笑容照耀住我。

從此之後，我嘅生活又多返啲希望喇。

過咗幾日後，當我以爲自己終於可以hea 啲做嘢，辦公室政治又自己搵上門喇。

「喂，我終於查到校長嗰邊嘅奸細喇。係Miss Chan！」又係呀助理。

「哦，唔出奇呀，個個都知佢係校長嗰邊㗎啦。」



「但係佢嘅目標係你！」

「呢層更加唔出奇呀。」

「但係佢哋嘅策略係美人計喎，我唔係好信得過你囉。」聽佢語氣就知條友喺度鄙視緊人。

「呀助理，我好有職業操守嘅，工作時間嗰陣唔會做到啲咩嘅。更何況我都唔鍾意佢嗰類型。」

「都話叫我Duncan囉，仲有，一睇就知你呢挺男人係用下體諗嘢㗎啦，鬼知你會點做。上次遊學團有無乜嘢特別先？有無色誘你呀？唔好睇佢正正經經噉嘅樣，其實佢勁過紅雀特工㗎。」



「乜Q 紅雀呀，我剩係喺上次遊學團見到佢個西好痕，畀韓仔扑咗啫。」

「啫係話，佢係專色誘男人嘅間諜囉，之前有唔少呀sir 就係佢做低㗎，亦都係點解管理層多數時間都係清一色女人嘅關係囉，佢哋可能色誘得人多，好驚畀人用呢招對付啩。佢私生活係點就冇人知喇。」

「噉有無話佢幾時會行動？你收風都要多啲詳細資料先得㗎喎。」

「唔知呀，應該係上次遊學團唔成功，所以佢呢排會開始發動攻勢，必要時分分鐘上埋房……，我真係鄧佢慘，打份工就要慘到同阿叔扑嘢。」

「車，我咪又係噉，晤見有人可憐我。」條友真係串到呢。

「唔同你講，有嘢做呀，自己執生啦。」

佢講完之後，Miss Chan 又真係過嚟講嘢喎。