我中出咗副校: 110. 堅決

嗰晚，其實冇我諗得咁複雜，咁有伏筆。

自從佢自願講嗮自己嘅過去畀我知之後，大家之間嘅戒心都少咗好多。

嘢就都係噉樣扑，不過有啲底線就最好唔好越過嘞。

完事後，佢大汗淋漓噉凝望住我，但今次輪到佢去做安慰人嗰個。

「你個樣咁愁嘅？」唔知由幾時開始，大家都發覺原來炮友係幾啱做樹窿，當然個前提係兩個唔會一拍兩散先啦。



「冇，係有個學生讀得太辛苦，上上下堂入咗廠啫。」

「你個樣唔似會咁關心學生㗎喎。佢好靚女㗎？」莫非男人嘅思維都咁容易畀人睇穿嘅咩？

「都係嘅，不過佢努力讀書嘅原因好特別嘅，所以我上心啲啫。」

「努力讀書多數都係爲咗出人頭地啫！吖唔係，你教嗰班係有錢女嚟，錢銀呢啲唔使愁，噉就應該爲夢想啦，定係要爭啲唔知咩第一呀？」

「都可以話係夢想嘅，不過我應承咗佢唔講。」呢個時候，我忽然間諗起腦海入面呢個女仔同枕邊呢個女人嘅相似點。



「勁喎！你噉嘅樣都可以氹到啲女學生同你講心事？因住畀人拉呀！」佢用蠱蠱惑惑眼神望住我。

佢呢條女呢，個人都唔後生㗎喇，講嘢都夠膽死毫不修飾，直腸直肚，怪唔得知佢以前咁放蕩不羈愛自由啦。

「你就畀人拉，我都係關心女學生啫，好正常咋嘛！」我報以一個淫邪嘅眼神。

「噉嘅樣，係咪要再戰多個回合先！」佢回應。

估唔到，大家要等咁耐先可以見面。



「Cherry,返咗嚟喇？」去到星期一朝早，Cherry 已經坐咗自己張枱度，台上面又有一大堆pp.

「一返嚟就咁搏嗱？唔使休息下咩？」我仲搭到咁多句嗲嘅原因，可能就係因爲佢啲前後左右都唔多關心佢，個個都係掛住溫書。

「而家已經冇咁搏㗎喇，有啲嘢係要堅持㗎嘛！」雖然大家嗰時已經着嗮冬季校服，但係佢揚出佢嘅手腕，令我睇到纖細嘅玉手上面嗰條幼紅繩。

「佢見到呢個，就會知我係邊個。」因爲我企正喺佢隔籬，所以佢可以細細聲噉講。

「噉好啦，祝你可以達到你嘅目標，唔好捱壞身子，有適當嘅方法溫書就得喇。」我望住佢堅決嘅模樣，就知道冇嘢已經可以阻到佢。

某程度上，我咁大個人，老母仲健在，又由細湊到我大，都算係噉喇。