我中出咗副校: 120. 你小心啲好呀 （結局篇）

「武肺爆出跳舞羣組 一文看清上流人士傳播鏈」唔同嘅whatsapp group ，包括學校啲group 都紛紛畀呢篇新聞洗板。

上流人士喎，關我撚事？停課就話關事啫。

我一撳入去，圖又冇，link 又冇，但就見到裏面嘅染疫者名單竟然有副校。

屌，原來去咗叫鴨，仲要叫到有肺炎呀，怪唔得知我未畀佢清算啦，原來佢噉唔得閒。

「喂，副校瀨咗武肺喎，仲要係跳舞羣組添！好彩呢排又停課，我冇見過佢咋。」我同Cherry 同呀靜講。



「跳舞羣組呀？同叫雞羣組差唔多啫！你冇見過佢又點，你都係高危人士嚟㗎，聽講冇耐之前你仲係建興大廈嘅常客……」呀靜仲要夠膽死大大聲噉講，慌死Cherry 唔會聽到噉。

「妖！細聲啲啦！我識咗你之後都冇去啦，呢啲嘢畀啲細嘅知仲得了？」我望完呀靜之後就將目光放喺Cherry 身上。

「劉sir呀，講個祕密你聽呀，其實我哋全班都知你叫過……」佢地兩條友都奸笑噉望住我，搞到人頓時覺得壓力大增。

「下？點解呀？？」我一頭霧水，而眼前嘅呀靜就強力恥笑我竟然畀啲學生知道自己叫雞。

「仲記唔記得上年同我哋用zoom 做test 呀？你show 咗成個tg 出嚟幾十秒都冇閂喎，好難睇唔到啫。」呢鋪死喇，噉咪啫係啲學生有我啲醜聞喺手？萬一學校知道咗，我分分鐘仲大獲過而家嘅副校嘅喎？



「唔使咁驚住，好彩見你教得咁好，平時又好人，我哋成班先幫你保守祕密，冇留底㗎咋！」佢扮到自己好似好醒目噉講。

「噉都好啲，況且你哋都畢業，都過咗去喇，唉……」

「算啦，唔做都做咗囉，你而家先嚟後悔係無用㗎，不如幫我哋影多幾張相好過啦！」呀靜已經用住半開玩笑，半嫌棄嘅腔調講。

「好囉好囉。」我唯有繼續履行自己作爲攝影師嘅職務，靜靜等候最刺激嘅環節嘅到來。