我接住粒波唸到冇唸就傳走左,我覺得自己根本完全未準備好。

 同我對位嘅係一個經常係午飯時間見到佢打波嘅茄喱啡,我心唸,還好。

起碼唔係啲我完全守唔到嘅人。


 我地隊嘅point guard帶波過半場做左幾下crossover攻唔入就準備分波俾Oscar,佢一傳就已經俾波仔截到,跟住就係一個單人快攻輕鬆上籃。 

0-2 





「好波啊波仔,佢地爭係會傳俾Oscar架咋,其他蛋散唔識打架」
我聽到啊詹係場邊大叫,仲隱隱約約感覺到佢講緊嘅蛋散就係我。
 

今次控球嘅係Oscar,佢一過左半場就開始插花,非常漂亮嘅運球。
一個crossover就過左波仔,當有人協防嘅時候佢向後做左一個step back,當全世界(包括防守者)都以為佢會直接射嘅時候佢做左一個拜佛hesitation 防守者成個人俾佢fake起左,籃底中門大開,Oscar做左個Jelly就入輕鬆將比分追平。
 

佢嘅運球動作就好似你買M記餐一定會有薯條咁,係一套嘅。佢一整套嘅運球動作非常流暢,話過就過,非常瀟灑。 

2-2 





對方進攻機會。

我要盡力防守,我地守嘅係2-3聯防,我係大底。
我都唔明點解Oscar要咁樣分配,但係佢話點就點啦。

對面控球嘅係波仔,佢應該係想復仇,但係邊有咁易吖,Oscar話曬都係校隊。

波仔一過半場去到三分線位就直接抽起射三分,睇黎呢招係啊詹教佢嘅。
 

「啪!」 




Oscar將個波一野拍走,
當所有人都未反應得切嘅時候我衝過去撲住粒波。

我坐係地下將個波一手扔俾係前場等快攻嘅隊員,又一個輕鬆上籃得分。


 4-2 

「好波啊啊明!」
我嘅隊員讚我


Oscar亦俾左個like嘅手勢我我當時好開心,我好少係球場上會得到人認同。 

對面終於開始打組織,我地照舊攻到就攻,攻唔到就傳俾Oscar單打。 

14-11 上半場完結 





由於比賽係lunch time舉行 所以比賽分成上下半場 每半場10分鐘

 Oscar叫我地圍埋一齊講講戰術

「佢哋大部分都有三分能力,我唸我地要轉守人盯人,唔好俾佢地射3分」

「另外,我想啊明你守馬哥」

 我嚇一嚇,馬哥?對面個B Grade正選小前鋒?我?

「我???」
我帶住100個為什麼咁問Oscar
 

「你得架啊明,Lock down佢!」




Oscar充滿鬥志咁對我講
 

「好!」
見佢對我咁有信心我梗係唔可以辜負佢啦,所以我爽快咁應承左Oscar
 

下半場開始

帶波上黎嘅就係馬哥,我當時好熱血,充滿鬥志,成個人著曬火咁,佢一過半場我就基本上已經貼住左佢 

我見到佢當時望一望我,冷笑左一下 我唔知佢係咪睇小我,但係我冇唸咁多,我只係想守好佢,做好自己本份! 

我舉起雙手擺出防守姿態,時不時伸一伸手想偷佢波但係都偷唔成...

佢一直用自己個身位擋住我唔俾我影響到佢組織,就係呢個時候我趁佢唔為意向佢嘅右方踏前一步手一伸
 





粒波俾我掂到,佢已經失去左粒波嘅控制權,我宜家要做嘅就係衝前攞起粒波打快攻!

 我身體向前傾,攞穩粒波就向對面籃框跑,想打一個單人快攻 我一不顧一切向前跑,隱隱約約感受到馬哥都盡力回防緊,我向後眸一眼發現佢隔左一個身位,好近。 

但係我冇理到,兩步就上籃。 

誰知 馬哥從後突然追上,一野打左落我隻手到,連個波都唔知飛左去邊。

「嗶!」
「打手犯規!」
球證吹雞
 

我啲隊友急忙扶起左我,但係馬哥就好似冇事發生過咁就走左。 

雖然當時真系好嬲,但係我知道黎緊兩球罰球更加重要。





 呢次係我人生第一次比賽(雖然唔係正式)踏上條罰球線,我拍左兩下波,喵一喵框就起手 粒波打中前框落地。 

「噗...哈哈」

我隱約聽到場邊傳黎一陣笑聲,或許呢啲就係場邊壓力 

我接過球證嘅傳球,調整心態後就再次攞起籃球,瞄準後起手,今次我調整左射姿,將個起手點調高左然後再出手。 

「唰」
個波俐落地穿入籃框。


 15-11

 最後場比賽我地以18-14取勝 

我好開心,同時都好緊張,因為下一場我嘅對手將會係 

啊詹。 
已有 0 人追稿