因為ex，我決定向全世界嘅女人報仇: 一夜情（上）

我同Nicole錫左起碼有半個鐘，當我隻手慢慢想由攬住佢條腰變到向上伸嘅時候，我眼尾稍到狗賢個死樣。
狗賢鬆開左Judy隻手行過嚟，我隱約見到妍妍都係佢地後面。狗賢控埋嚟同我講：
「叻仔呀！」
「屌，你都唔差呀。」我笑一笑。
「但你應該都知道佢哋兩個嘅關係啦，呢個要你自己拆掂佢啦，但我可以幫你帶走妍妍。」
「你幫我睇實佢啦，送埋佢返去啦，我驚佢唔掂。」我話。
「屌你當我聖人呀？送佢我咪唔洗送Judy？」
「唉屌，最多淨係送佢上的士啦。」
「小事啦，交比我，點會阻文少搵食。」佢奸笑左下。
「屌你啦！」我一嘢打左落佢背脊。對我嚟講，有時真正嘅Fd係佢會幫你去做你想做嘅事，那怕嗰件事本質上係錯嘅。你知我知，個單眼佬都知，但你偏偏就會去做。



「喂Judy話攰呀！想返去，妍妍你呢？」賢狗大聲講，因為好撚嘈...
「我...我都Ok呀！走唔走都得。」妍妍話。
「行啦，我陪你出去買枝水～」Judy同佢講。
「哦..！好呀！呀文呢..？一齊出去？..」妍妍再問我。
「我去一去廁所先，你地出去先啦！」我答。
「我都想去一去廁所，岩岩飲左好多嘢。」Nicole話。
「咁我地出去先啦！」賢狗話。
走嘅時候，Judy經過我身邊嘅時候笑住講：
「玩得開心啲呀今晚～」講完就走左。


之後我真係去廁所，一嚟我真係好急，二嚟係...屌！畫公仔畫出腸啦！仲洗解釋？緊係繼續上全力上Nicole。

係廁所出返嚟嘅時候因為太多人我搵唔到佢，突然間有個大波妹控左埋嚟跳舞。
「自己一個吖？」佢問我，把聲幾有魅力，係會勾起到男人性慾嗰種。
「唔係呀，我搵緊Fd。」我講。
「呢到咁多人，一時三刻都搵唔到嫁啦..不如..」大波妹係我耳邊講。
「行啦，做咩企左係度呀？」Nicole出現左係我隔離，撓住我隻手講。當然，我隻手臂已經食哂波餅。
我笑一笑對住大波妹點左個頭，就同Nicole行開左。
「好受歡迎喎你。」Nicole問。
「傻啦，佢搵唔到仔姣姐。」


「係咩～」
「是但啦，都唔重要。」我笑一笑。
「咁你想走定玩多陣吖？」佢問。
「冇所謂吖，都得，你陪住我就得。」
「咁識講嘢嫁咩！咁我地飲多杯就走？」佢好甜咁笑左一下。
「可以呀，反正我自己住，幾點走都得。」
「咁唔好係度飲啦，我哋買啲酒，去你度飲仲好啦...如果你方便..」Nicole講。
「好，咁我wtsapp呀賢同佢講聲。」
「咁我都同妍妍講聲先。」

我地買左少少酒先上去。明眼人都知，買咩酒根本都唔重要，上到去都唔會淨係飲酒，所以是但執左啲啤酒就上左去。
「嘩睇唔出你呢度幾靚喎..！」Nicole邊除緊佢對平底鞋邊打量緊我屋企。
「係呀本身唔係咁樣，有特登叫人上嚟裝修過。」雖然本來係整比Sophia睇嘅...
「但你租定買？」佢問。
「租嫁，都有fd話過我on9，唔係簽長約但又幫人裝修到咁靚。但我自己都鍾意住得舒服啲，反正又唔係洗好多錢。」


「本身諗住同Ex住呢～？唔介意呀可？」佢坐左上我張床之後先問。
「坐呀坐呀唔介意。係嘅原本，但唔係同佢住我都會裝修。」我坐左係梳化開左罐1664，然後遞咗一罐比佢。
「唔該～」佢接左飲左一啖。
之後我地開始傾計，傾左啲咩我都唔係好記得，由講返工到講起啲Ex咩都有。但我記得嘅係，同佢傾計好舒服，唔洗就住就住。一直傾到我話想入廁所沖個涼......