我開左門,等𨋢嘅時候心情一直都好緊張..究竟佢搵我係為左咩?我又應唔應該留住佢?自從同佢嗰一晚開始,到呢幾個月嚟,我個心都好亂。因為之後又發生左同呀婷嘅嘢,又比我識到Rachel,所以先叫冇咁Focus係Nicole身上。我記得開頭嘅我唔肯承認自己沉左Nicole,直至佢走左嗰一刻,我先後知後覺。係,我係一見鍾情,原來自己係咁唔想佢走,咁唔捨得佢。明明我都Feel到大家只係互相取暖,拍一日拖就唔會有下文..

可唔可以比我嘗試了解你

落到去,我係樓下等左5分鐘左右,個心一路好緊張。慢慢見到Nicole係遠處行過嚟,佢今日冇好悉心嘅打扮,只係一件白色嘅T恤加條牛仔短裙...同我有啲襯。佢一步一步行過嚟,我留意到佢嘅表情好平靜,睇唔到佢而家係咩心情,直到佢行到我面前....
「Nic....嗯.....」我都未叫完佢個名,佢就一嘢抱住我。我隻手仲舉高左係上面,呆左幾秒先識得抱住佢。
「做咩啦..?」我問。
「你唔好問,抱住我就得了」佢好平靜咁講。
「好....」之後我地企左係原地抱左幾分鐘都冇郁過,我一直感受住佢嘅體溫,慢慢摸佢個頭,佢比到我好溫暖嘅感覺。佢今日冇噴香水,但係我聞到佢頭髮嘅味,係好自然好清新嘅味道。我等左你咁耐,你終於搵我了。就算我再多問題想問你,再好奇你嘅背景,我都唔會咁唔識趣去打破呢一刻嘅溫存。你需要我,同時我需要你。只不過...我比你更加需要對方。
「陪我去一個地方」佢話。


「好」
「我架車泊左係另一條街」
「嗯...行啦」我話。
出到去見到佢架車係Rolls Royce...我極少見女仔會揸RR,再加上...原來佢咁有錢。佢應該係有錢女..?冇理由做Admin嘢都可以有錢買..。我對佢嘅背景完全唔了解,佢再一次比到一種神秘感我。但我知道呢知個時候唔係問嘢嘅好timing,我決定繼續配合佢就好。
佢揸左去中環嘅摩天輪嗰度,我地落左車行。行左幾步我想拖住佢隻手,直覺話比我知佢唔會鬆開。我膽粗粗咁去拖佢隻手,果然佢冇鬆開,然後佢另左塊面過嚟對住我笑一笑,之後繼續向前行。我地沿住摩天輪一路行,行到去中環碼頭,佢仍然係好沉默。直到行到五號碼頭,佢停低左。

「錫我..」佢話。
「....下..?」
「我話...錫我...」
我需要唔明佢點解要咁做,但我又點會錯過呢個機會。佢已經合埋左眼,我都好配合咁去錫佢。錫左一下,佢冇反應。我用鼻尖磨一磨佢鼻尖,好清楚咁聞到佢噴出嚟嘅氣息,好close...好心動。而後佢主動錫返我,係好狂野嗰種錫。我地嘅嘴唇互相包住對方嘅嘴唇,條脷不斷地重疊、交錯、糾纏,佢用隻手摸我塊面,然後再用雙手撓住我條頸。我將呢幾個月嘅思念一次過爆發出嚟,Nicole比我嘅感覺都好似係想將壓抑住嘅情緒舒發。我地兩個企左係去長洲嘅碼頭前面不斷錫,係外人眼中可能係一對愛得轟轟烈烈嘅情侶,但事實上,我連我地算係咩關係都唔知。我慢慢將隻手放係佢心口上面搓,即使我知道凌晨三點嘅中環碼頭係仍然會有人,但呢一刻 I don’t fucking care。Nicole都好配合我,間唔中用手摸我下面。我就嚟忍唔住好想要佢...但係呢度冇可能。



「係咪好想要我..?」佢係我耳仔邊講。
「我book酒店好冇?」我問佢。
「..嗯!」
我即刻打開book酒店app,最就腳就係四季酒店,但成幾千蚊一晚...唉,精蟲上腦嘅時候,幾千蚊當跌左。再加上如果去啲平價酒店..好驚Nicole會唔鍾意..話哂人地有錢女嚟。Ok.....唉最平嘅豪華山景房啦..ok.... confirm booking 。
「我book左四季」我同佢講。
「好」