「做咩呀~唔歡迎我呀?」Nicole 企係門口話,我發現佢拎住一袋二袋。
「...歡迎...你快啲入嚟先啦,我同friend 打緊機~哈哈」我話,我講完之後即刻坐返埋電腦枱。
「喂有女仔聲嘅,Nicole?」賢狗話。
「...嗯..」我話。
「咦~你地打緊LOL呀?」Nicole行左埋嚟電腦枱。
「係呀..我見訓唔想着咪玩陣」我話。
「Hi Nicole!」賢狗話。
「傻西..我戴耳機嫁」
「訓唔著..?你琴晚冇訓咩?」Nicole問我。
「嗯...」


「下~你通宵打機?」佢又問。
「喂塔隆塔隆塔隆,走啦喂!...我?...唔係呀..琴晚冇返到嚟」
「哦,你地打啦~我玩下手機先」Nicole見我好專心,所以就咁講。
「你真係同左佢一齊?」Nicole行開左之後賢狗即問。
「算係但係又唔算啦..屌好撚難解釋」
「呀賢!過嚟補血~」wingq話。
「好,過緊嚟。咁姐係點?SP?」
「但又唔完全算係SP...」我細細聲講,驚比Nicole聽到。
「唉,你有機會再同我講」
「好」



打完機之後我見Nicole係我張床玩緊啲無聊手機Game..我發現好多靚女都好迷呢啲小遊戲。我上左張床,抱住佢問:
「做咩過嚟嘅~?」
「唔想咩?」佢話。
「想!好想!你會嚟我不知幾開心」
「琴晚你去左邊呀..」
「我...去左同一個女仔飲酒...」我照直講,唔知點解對住佢我講唔到大話。
「哦~」佢問。
「我地淨係飲酒傾計炸!手仔都冇拖.....」我好緊張咁話。
「真係?」


「真係」
「傻仔~」佢講完之後錫左落我度。
「你唔洗同我解釋喎,雖然你解釋完我好開心~」佢又話。
「哈哈~但係你仲未同我講點解過嚟喎~」
「你訓教先啦~訓醒我再話你知好冇?」
「好..但你可唔可以陪住我訓..?」我問。
「乖,傻仔~緊係可以」佢好甜咁望住我笑,我訓左係度,佢就坐左係我隔離用手機。佢係隔離我訓得好舒服,好似成個人放鬆哂,咩都唔洗諗咁。呢一教,我訓得好冧,冧到我足足訓左十個鐘..起身已經係夜晚七點。

一覺 睡到自然醒過來 不管這個胡鬧時代到底有多壞
世界變得再快 是非成敗 一旦抱妳入懷 置身事外


起身嘅時候我聞到好香嘅煎牛扒味,我諗起只要Nicole係我屋企,佢每次都會煮嘢比我食。真係好想娶佢返屋企...佢一定會係個好老婆。我訓住係度拎起左部手機,見到Rachel嘅Tg message:

「我同佢講左我地飲天光...佢好嬲....佢唔肯聽我解釋..我應該點算..我好驚佢會同我講分手...」 - 03:22 PM
「呀文....你醒左未..?」 - 04:09 PM


「我好無助...我點解釋佢都唔理我」 - 04:09 PM
「如果你醒左可唔可以打比我...我...唔知可以搵邊個..呀文,你一定要幫我...」- 05:54 PM
「而家send wtsapp比佢單剔,打比佢又唔聽..。本身我地約左今晚佢嚟我屋企同我屋企人食飯,但到而家都唔知佢係邊...」 - 06:30 PM
「呀文...你仲未醒?」 - 07:08 PM

Rachel...我岩岩好睇完Message嘅時候,突然間發現佢Typing。但同一時間,Nicole過左嚟:
「起左身啦?我岩岩煮好啦~」佢笑一笑問我。
「嗯..!」我由望手機變左望住佢,但我好擔心Rachel。
「做咩啦?」Nicole留意到我有啲唔妥。
「我朋友搵我,佢話驚佢男朋友同佢講分手」
「琴晚一齊飲酒嗰個?」佢問。
「嗯..」
「佢叫你出去?」
「唔係呀..佢叫我打比佢」我講完呢句就見到手機有通知。
「你可唔可以過嚟幫我....我而家一個人係附近搵緊佢...我好驚佢有咩事」- 07:09 PM。Rachel Send完呢句就打左比我...我望一望Nicole。


「唔緊要呀你聽左先」Nicole話。

「喂..?呀文..?」我第一次聽Rachel好不安嘅聲。
「喂...?你冇嘢呀嘛..」
「你得唔得閒過嚟陪我..我好驚佢有咩事」Rachel話。我望一望Nicole....
「我諗佢應該冇事嘅..佢都係成年人,我諗佢純粹唔開心姐...你唔洗咁擔心住先」佢咁大個人..點會有事,我同自己講。
「真係...?我真係好驚...」我feel佢開始有少少哽咽..
「你冷靜啲先..好冇?」我話,同時Nicole坐左嚟我張床邊,用疑問嘅眼神望住我。
「好...佢唔會有咩事嫁可?」
「冇事嘅..放心啦!」我比左個Ok手勢Nicole。
「我唔知點解有種唔好嘅預感...你可唔可以過嚟..」佢講完我再望一望Nicole...
「我而家唔係好得閒住..,sorry呀..你唔好亂諗嘢先,返返屋企,你有冇佢啲朋友嘅聯絡電話呀?」
「好...我係咪阻住你...?咁我返上去先啦..」佢話。
「唔會呀..你再Tg搵我講啦」
「好..byebye..」


「bye..」我話。

最後,我選擇左Nicole