因為ex，我決定向全世界嘅女人報仇: 永不忘記的日子

我地抱左好耐，足足有十分鐘企左係度抱住冇郁過。我好想一直抱住佢，好想佢以後都會係我身邊。
「好啦...快啲食蛋糕啦..」Nicole抹一抹啲眼淚。
「好！你整嘅一定好好食」
「嘻嘻，傻仔」佢笑返。
「放心啦，我一定食哂佢！」講完之後我切左一舊仔比Nicole，再切一大舊比自己。個蛋糕食落真係好好味，朱古力味好濃得嚟唔會太漏，仲好食過出面買嘅蛋糕。
「鍾唔鍾意呀？..」佢問。
「好鍾意！」我笑住答。
「唔準講大話..」
「真嫁，好好食！」
「咁就好～唔洗食哂嫁，食唔哂放返入雪櫃」佢話。


「好～係喎！所以你今朝拎住嗰一袋二袋就係啲嘢食同蛋糕？」
「係蛋糕！肉就係你訓左嘅時候出去買嫁，我邊度拎到咁多嘢。但係我拎左你條鎖匙，因為廢時嘈醒你」
「我配多條比你啦..好冇？咁...你...出入都方便啲.....嗯...」
「好呀..」佢話。
「哎呀唔記得左一樣嘢！」
「嗯？」我返左入房拎左個打火機，出嚟熄左盞燈。
噠，打火機點著左。
「Happy birthday to you~ happy birthday to you~ happy birthday to Nicole~~~~~ Happy birthday to you~！」我唱。
「哈哈～多謝你...」
「快啲許願啦！」我諗起台灣電影《我的少女時代》入面嘅一句...Nicole合埋對眼，雙手合十。



我的願望，就是希望你的願望裡有我

「呼～」佢打開眼，吹左口氣落我個打火機度。我都好配合佢，放開隻手令啲火熄左。
「咁就齊哂生日要做嘅事啦！」我話。
「哈哈，呀文～多謝你」
「傻妹...呀！仲差一樣」
「差咩？」
「你等我一陣！」我衝左落樓，入左間賣名牌首飾嘅鋪頭，我好快手簡左一條頸鏈。條頸鏈設計唔浮誇，但粒石偏閃，所以簡單嘅設計又好華麗。我買完即刻掉左個袋，然後將個盒放入褲袋先返上去。開門之後我見Nicole係度執緊啲碗。
「做咩落左去嘅？」佢問我。


「冇嘢喎～」
「神神祕祕咁..」
「真係冇嘢呀，洗唔洗幫你洗碗？」我話。
「你唞下啦！我洗得啦」本身我係諗住洗，但係既然佢去洗碗嘅話我可以比surprise佢，所以我就冇主動話要幫手。之後我即刻衝左入房，拆開左個盒，拎左條鏈放係手。我等Nicole係廚房洗碗嘅時候，偷偷地行入去...

我解開左條鏈，係佢背面幫佢戴上頸。
「做咩...哇....！」Nicole話。
「傻妹，生日快樂」我講完之後係後面抱住佢。
「點解嘅..？」佢好surprise 咁望住條鏈。
「生日，點可以冇生日禮物，送比你嫁」
「下..真係送比我嫁...？」
「緊係啦！你另轉身比我睇下～」
「多謝你...我完全冇諗過你會送嘢比我！」佢好開心咁話。
「鍾唔鍾意呀？」
「好鍾意！！」


「好襯你～...你真係好靚..」我講完之後主動錫佢，然後我想繼續錫嘅時候佢避一避開，再話：
「你岩岩落去買嫁？」
「嗯..因為我唔知你生日..但我以後都會記住呢一日，然後買禮物送比你～」我話。
「呀文...我唔值得你對我咁好..」
「我唔介意，你係點都好，我都唔介意。我只係想同你一齊」我望住佢對眼講。
「....但係我...對唔住..我唔可以同你一齊...」
「點解...我以前話過我唔會逼你講，但係我而家真係好唔想你過左聽日又走左去幾個月...然後我每日都唔知幾時先可以見到你...」我話，我唔甘心。
「我...我都鍾意你，但係我地係冇可能嫁..」
「你同我講呀..點解？」
「你比啲時間我..好冇..今晚我想開開心心咁過...」Nicole話。
「..好..」我講完之後Nicole抱住我，呢個擁抱好warm..但又好似隨時會失去咁。究竟我要做啲咩先可以留住Nicole..，我有幻想過佢有男朋友，但我唔介意。雖然我咁做同呀明冇分別..但係如果愛一個人..咁又算唔算係錯呢？或者命運一早就已經注定你唔係屬於我嘅，但我一樣唔會放棄。

冇人知聽日會發生咩事
但如果我放棄左，就一定會後悔



我只想說 我認真地愛過
兩個相愛的人究竟犯什麼錯
需要愛得如此折磨

我 是深深地愛過
你在我的心中 從沒有離開過
如果你要走也帶我走