我地傾左陣就返左入房,照舊係我坐櫈,佢坐床。
「咁你諗住同佢試下?」我問Rachel。
「我仲諗緊...聽你咁講我又唔係好想..」
「我覺得唔好諗拍拖住先...唔好為左要放低ex而隨便搵個人」我話。
「嗯..」
「可以出下街嘅..當做下朋友先囉,但你真係要好好了解下佢,再決定點啦。我唔想你蝕抵比人炸,護士姐姐!」我話。
「喂也...頂你....。咁你呢?..」
「我...見步行步啦...但我一定唔可以比自己繼續咁頹廢..唔係我真係連份工都冇埋」
「都係嘅...我岩岩識你嗰陣你都唔係咁」佢話。
「咁..不如你講下你岩岩識我嗰陣我係點」


「唔.....你係好有活力...好陽光好正面!」佢諗左一陣答我。
「而家冇活力咩?」我笑一笑。
「而家邊左成個呀叔咁!」佢話。
「叔你個頭..!」我行埋張床諗住扮打佢。
「哈哈,咁係呀嘛!呀叔!」佢拎起枕頭打我。
「喂..!我嫁個枕頭..污糟呀...」
「車~我理得你」佢繼續打我。
「喂!!頂你!!你死硬!」我拎起左個攬枕打返落佢度,佢擋左幾下就比我扑中左。我地打左一陣,佢就冇力了,攤左係我張床。

「哇.....我唔得啦.....啊.....攰死我.....」佢訓左係我張床上面抖大氣,呢個角度...隱約見到佢小小事業線...,仲要佢啲汗搞到件衫濕濕地。...我吞左下口水...呼....唔可以再望。


「呼........好熱....」我話,然後我擰轉頭。
「哈...最衰都係你....死呀叔...」
「仲講...!」我拎起個枕頭想打落佢度。
「呀...!」佢合埋眼,雙手放係塊面上面想擋。
「噗」我打左落張床度,然後去廁所。我望一望鏡入面嘅自己,好似好耐冇剃鬚...。我比佢見到我咁樣,又頹廢又食煙...都難怪佢話我似呀叔嘅...
「呼...」我洗一洗面,拎起左剃鬚刨。雖然而家係夜晚,但我都睇唔過眼自己啲鬚咁長..我剃完鬚之後將啲頭髮撥左去後面,然後行返出去。
「哇!你搞咩嚟~唔同左樣嘅」佢坐左係我張床話。
「咁有冇陽光返少少」我講笑咁講。
「少少啦!但...都係呀叔!嘻嘻~」
「死女包....!」


「好啦唔玩你啦!有冇開心啲呀」佢話。
「開心呀~多謝你呀,死女包」
「唔洗客氣喎呀叔」佢講完之後我地又傾左好多嘢,佢同我share下佢以前同ex嘅相處。本身我叫佢唔好講,怕佢唔開心。但我發現,佢已經唔算係唔開心,佢講嘅時候,好似純粹係講緊一件過左去嘅事,而我睇唔到佢有sad或者有留戀嘅心情。甚至乎...反而好似講完之後佢而家仲開心。

「Rachel呀,我問你呀..」
「嗯?」
「點解你提起你ex嘅時候,你好似已經放低左佢咁嘅...」我問。
「唔.....又唔算係放低左...但你可以話係諗通左」
「咁快...但你唔係拍左好多年咩..咁快冇事..」
「我覺得..既然係佢唔信我,我冇必要為左佢仲咁蠢咁去留戀...只不過係有啲唔習慣同唔捨得。或者我本身就有呢個心理準備...我曾經都有諗過我地之間終有一日會分開。不過就算而家,間唔中望到啲關於佢嘅嘢..我都會諗返起我地之前嘅事」佢話。
「嗯...都明嘅」
「咁你真係要等Nicole..?你覺得值唔值得..」
「我唔知我可以堅持幾耐,或者有一日我會唔記得左佢,搵左另一個女朋友都未定」我苦笑左下。
「希望啦...我都唔想見到你咁頹廢..」佢話。
「唉~」我趴左係枱上面,合埋對眼。


「你訓返床啦...我都差唔多走了..都好夜了」佢話。我望一望個鐘,而家都凌晨三點,但我唔想一個人..
「嗯...」我返左上床,佢起左身,想出房門。
「Rachel..!」
「嗯...?」佢停左腳步。
「......都咁夜啦...你係度訓啦....我驚你冇車走」
「唔緊要呀..我.....有N車呀..我ok呀」佢話。
「咁....嗯..」我微笑。
「咁......我走啦...」佢講完就出左去,我係床上面諗左幾秒,即刻出去。
「紫凝!..」我話。
「嗯...?做咩啦..」佢擰轉頭。
「.......」
「嗯?..」佢再話。
「.....陪我」
「...下..?」
「..陪我」...