「.....」死啦我要講啲咩...我....我唔知...
「喂?....」佢又喂多一次。
「.........」呀文...!我.....。當我想叫佢嘅時候...我聽到有把女聲。
「邊個打嚟呀?..唔知喎,我冇save呢個電話,+33嫁..。唔好聽啦..都唔知咩人嚟」然後佢就收左線。我一聽到把女聲個心好似碎左咁,仲要我而家唔係香港,我連去搵佢嘅機會都冇。而家呢種心痛嘅感覺,好似我當初發現我老公出軌一樣...。我個心好似比人揸住左咁....好窒息好抖唔到氣.....呼...呼....我呼吸越嚟越急速。我冇諗過會係咁.....,點解要比我聽到....。同埋.......點解有女聲嘅?佢屋企人?..唔係,佢一個人住嘅,同埋把聲咁後生。咁...係佢嘅女朋友..?...呀文..你又話等我嘅..點解我滿心期待可以搵你但你要咁對我....。呀文....你話我知..你係咪已經有第二個啦....。呼....,冷靜,冷靜,Nicole..你得嘅。

好...諗清楚....佢話我+33..係喎我用緊法國電話號碼....。好...而家8點..法國慢香港六個鐘,所以佢地嗰邊應該係凌晨2點?...咁更加冇可能係屋企人。我諗返岩岩把女聲,佢好近呀文,同埋好快就係佢隔離...。佢把聲仲要係好似比人嘈醒嘅聲...,佢地一齊訓..?應該真係....。我而家個人好冷靜,但越冷靜分析,我個心就越痛....我寧願我唔知。但我冇辦法自己呃自己.....呀文點解你要咁....。係咪因為我冇搵你所以你要搵人陪....佢唔係你女朋友....係咪?我...我唔介意你搵女人陪你.....但可唔可以唔好一齊,你要等我...你話過會信我嫁。唔得..我要打多次比佢,我唔甘心,我要話比佢聽我係Nicole..。我即刻再禁多次wtsapp call。
「嘟嘟..............嘟嘟...............」快啲聽啦....
「嘟嘟~............」佢cut左我線....,死啦佢一定覺得我法國電話係啲唔知咩人打比佢.....。點算......我唔甘心有個人搶走我嘅呀文,明明訓係佢隔離嗰個女人應該係我。

我好唔知可以點算,而家嘅我好似變返嗰個好迷惘嘅我。岩岩先諗到有辦法聯絡呀文,而家就即刻好似冇哂辦法咁。我應唔應該搵呀賢問下呢....?


「呀賢....你得唔得閒?」我即刻問佢。我等左好耐佢都冇覆,我諗佢應該訓左。唉算啦..聽日再算。我放低手機合埋眼,但我成個腦都係嗰把女聲。呢一晚我渾渾噩噩咁過,完全唔記得左最後係點訓著,好彩第二日係星期六。

「做咩事?」我一起身就見到呀賢覆我。
「係呢...呀文近排點呀」我問。
「佢?我近排好少同佢傾喎」
「哦..好啦~」
「做咩呀?你地嘈交咩?」佢問。
「唔係呀我去左歐洲做嘢...」
「哦....我可以幫你問下佢嘅,條衰仔對你唔好?」
「唔係呀..!唔洗啦,由佢啦」


「咁....好啦」
「thx」我話。..我本身唔想麻煩到呀賢,但係我真係冇辦法之下先去搵佢。我一個坐左係張床,隻眼好攰..因為琴晚訓得好差。我決定再打多次比呀文,然後再一次、再一次....最後我發現原來佢block左我...。我收左線之後個人真係好崩潰...我成個人坐左係度喊......呢種感受我已經經歷過....第二次了....我第二次比最愛嘅人背叛我......。我好迷惘,根本就冇人幫到我,我可以點做...!我究竟要點做先可以換返呀文返嚟....!我唔要結婚..我唔要老公,我淨係想同鍾意嘅人係埋一齊姐..點解個天要咁對我..嗚.....。

呢一日係我全日屈左係房,連嘢都冇食過。我冇諗過完來自己可以咁脆弱,亦都冇諗過我對呀文嘅愛比我想像中更加多。

我愛他 轟轟烈烈最瘋狂
我的夢 狠狠碎過卻不會忘
曾為他 相信明天就是未來
情節有多壞 都不肯醒來