果然,我地一落車就冇落雨。我拎住一袋二袋同佢行過去沙灘,然後搵左個位鋪嘢。
「好彩出返太陽炸~」Rachel用手遮住自己額頭,笑一笑。
「係呀~如果唔係真係哂左成日」
「嘻嘻~呀文呀,如果我地第時退休,我想買間望海嘅屋住。未必一定要係香港,但係我想望住個海~」同Rachel拍左咁耐拖,佢嘅笑容都仲未睇厭,仲係咁甜同可愛。
「傻妹~好呀,同你去邊都好」我摸一摸佢頭。
「你話嫁!」
「嗯!」我笑一笑,想為左佢幸福而滿足佢。我同佢而家已經昇華到好似屋企人咁,基本上冇咩大事係唔會離開到對方,我都冇擔心過會分手或者佢偷食。既然我同佢而家都幸福,就唔好再諗啲咩啦,都係時候比個家佢,佢為我付出左咁多。
「呼~好耐冇嚟過沙灘啦!好靚呀~好放鬆」佢放低左個袋坐低。
「係呀~我都好耐冇睇你著泳衣,哈哈」
「衰人..,淨係諗呢啲嘢」佢輕輕打左我一下。不過老實講,真係好耐冇見過。就算裸體都成日見,但泳裝真係唔同。佢去左換衫先,我就坐左係度等。等左十分鐘佢就返左嚟,我擰轉身,望住佢...。Rachel嘅皮膚keep到算幾白,雖然唔係大波,但係對於佢身形嚟講,B cup岩岩好。重點係同佢一齊咁多年,佢條腰都係keep到幼。佢件bikini係淺紫色,算係都幾少布嘅classic 設計。下身都係淺紫色嘅一套,佢做左剃毛剃bikini位,所以好好睇。


「喂也...做咩囉呀...好奇怪呀..?」佢問。
「唔係呀...好正」我睇佢著泳衣嘅次數真係五隻手指數得哂。
「你鍾意就好啦~」佢怕怕醜醜咁講。
「鍾意,好鍾意!」我望左佢一陣,然後我都去換衫。

換完衫出嚟我見到Rachel自己揸緊太陽油,我即刻行埋去。
「洗唔洗幫手呀,靚女」我笑一笑。
「唔洗啦,我有男朋友嫁」
「哈哈,咁入戲嘅」我想拎佢支太陽油。
「緊係啦!我原知幾專一!」佢話。


「傻瓜」我擠左啲太陽油出嚟幫佢,然後佢訓低比我。我留意到周圍啲人間唔中都會望一望Rachel,不過今日嘅佢真係好正。我地hea左陣就去玩水,佢唔識游水,但又好夠膽落水。玩到攰就返返上去沙灘坐,但突然間比我見到賢狗!!
「喂屌!!」「屌!!!」
「喂你又係度嘅!」我話。
「係呀,屌你好耐冇見」賢狗望一望我再望Rachel。
「Judy!!?」
「hello..!」Judy尷尷尬尬咁講。
「係啦,佢係Rachel」我介紹Rachel 比佢地識。
「Hello~」Rachel企係我隔離打左個招呼。然後我地4個就坐左係度價計,講返起舊時啲嘢。

「你地渴唔渴呀,我去買嘢飲比你地呀」Judy話。


「好呀~」賢狗講。
「我同你去吖~」Rachel話。
「好~」Judy覆佢。
「想飲咩呀?」Rachel問我。
「都可以呀~唔該凝凝~」我話。
「唔洗~」。佢地走左之後我同賢狗坐左係度,我諗佢都預左我會早佢同Judy 嘅嘢,但我都要問。
「我真係唔知你地又一齊返」我話。之前賢狗同Judy散左之後佢流浪左一排,之後又一齊返,再散再一齊。呢幾年嚟佢地分分合合左好幾次,當大家都睇死佢地嘅時候,我都冇諗過佢地又再一齊返。
「緊係啦,你都唔撚約我」
「死基佬,你講到好撚基」我話。
「不過有啲嘢真係冇諗過」佢話。
「點解咁講」
「冇諗過到最後都係放唔低Judy,咁多年兜兜轉轉..又係同返佢一齊」
「但你地當初分手嘅原因有冇解決到先...」我問。
「咁講啦,每次分手之後大家都有反省過,然後都有做啲改變。我地都試過同其他人拍拖,但個心都係會好掛住對方。之後慢慢就覺得好撚on9,好似係度為左鬥氣而同其他人拍拖咁。不過而家都幾穩定,始終都咁耐啦。咁你當初點解同Nicole散」佢問。
「屌你啦,都唔叫一齊過」...咁真係唔算。


「收皮啦,咁都唔撚叫」
「是撚但啦,係唔係都唔重要」我話。
「咁點解姐」
「下我冇同你講咩」
「講過下囉」佢話。
「冇呀,佢嗰陣無啦啦唔見左幾個月,但嗰陣我已經同Rachel一齊左」
「咁撚癲...點解唔見」佢問。我好簡略咁佢解釋左我同Nicole由台灣去到而家嘅事。
「哦...咁如果佢而家搵返你會點」佢問。
「會先算啦,我都諗住同Rachel結婚,唔想再糾纏啦。過左咁多年,咩都睇化哂」我話。如果
「都明嘅,但問心,你鍾意Rachel多啲定Nicole多啲」佢問完Judy就岩岩好返嚟,我地對望左眼就冇繼續講。
「等左好耐呀?」佢地問。
「唔係呀~」
「拿~Rachel比左支烏龍茶我。
「唔該~」我望住佢笑一笑。



或者,咁樣同Rachel一路行落去,都唔錯呀。