你我的崩壞世界完結之後: 第十一天

今日係沒有叔叔的第十一日

今日等不到車落山，我望著樓梯街的角落。

叔叔有一次接我放工等我的位置，我最終決定回憶一次我哋一齊行過的路

11月30日

沿著樓梯街往下行，叔叔跟我和同事保持著一段距離





叔：唔好咁大聲講野，你同事一陣望番上黎你就大件事

妹：唔會啦！佢歸心似箭，而我又唔係只有我地係度講野，怕咩人聽到

我地落到必烈者士街就向了打橫的方向再前進，遠離了我同事方向

天氣有點冷，叔叔剛剛感冒好番，氣管仍然很敏感啦！還有兩聲咳。

但無阻我地一起行的愉快氣氛！





叔叔剛剛病好，成個人瘦左一圈啦！你仲同妹妹鬥瘦！

因為第二日，我就要入院做檢查。叔叔用上完繩堂的時間，即使再累，都偷時間來見我一面！

妹妹真的很高興啦！

對第二日要入院的事，都放輕鬆了不少！

叔叔每次突如其來的接我放工，我都會十分高興！





因為叔叔有為我抽到時間見面！

叔叔成日會怕我胡思亂想，所以你可以來看我的話，你都一定會來

因為你家室的關係，你真的不容易出來見我一次。

所以每次妹妹都十分之珍惜。

但叔叔自此都不會再出現了⋯⋯


如果每一次再去回憶起你帶給我的快樂，就可以忘記你多一點

我好想將我對叔叔的回憶，加快地export出去⋯⋯





那我就不會好似而家咁咁痛苦？

我的苦是因為太快樂⋯⋯而你離開我。

在我完全無心理準備之下⋯⋯

但天意如此，我跟你都無辦法再留下來⋯⋯

待我好點之後，我再一次會繞路落山，好好將我跟你的記憶export 出來⋯⋯