我娶左個台妹做我老婆啊！: Chapter 12
「嘩Leslie哥，你架FD2買左幾耐啊？」Jacky問。
「今日先買咋。」我話。
「你就好啦！又做H車撚。但而家個改裝法例放寬左，可以同日本、英國、澳洲嗰啲睇齊。不過咪係到非法賽車啊！阿Sir我唔會保你架！」Andy話。
「Yes Sir！」我向Andy敬禮。
「但Leslie你唔大改啊？」Leon問。
「小改算啦！你之前見到我架EG都係小改，換下鈴、喉、避震嗰啲算啦！」我話。
咁我地大家都係講下車、機場裡面既二三事，而嗰班粉腸仲爆我係大學既On9野比嘉欣聽，搞到我不斷比嘉欣恥笑。但佢地都好識DO，冇將我同阿Jane啲野話比嘉欣聽，如果嘉欣問起，我咪再同佢解釋下我同阿Jane既Storyt啦！男人呢，要拎得起，放得低！係咪咁講啊！
食完飯，由於其他人要返去機場做野，或者陪屋企人。於是我地就埋單走人，大家都好識DO都係AA制，嘉欣嗰份係我比埋啦。當係幫佢洗下塵，慶祝佢回歸香港。
大家都走去攞車，我同嘉欣就攞返部FD2。
「係呢？我地返屋企啦？」我問嘉欣。
「不如返機場嗰邊行下，我想熟習下啲路。」嘉欣提議。
「好啊！嘉欣小公主話點就點啦！」我話。
「你要聽晒我話啊！」嘉欣Cool住我條頸講。
於是我就著左車，基本都係出返彌敦道先。去到近山東街既紅綠燈，見到隔離線有架白色Benz CLA200係到，我心諗唔通係佢？？？我再認真裝下個CLA既車牌同個車窗，屌，真係阿Jane個八婆。仲要車住佢幾個空姐閨蜜，真係冤家路窄。
記得以前如果渣車見到佢嗰陣，我地必定會好Sweet咁傾偈，但之後我地分左手，大家就算見到對方都扮唔識，然後急急腳咁樣走去。不過佢已經係我心目中已經係過去式，即係話，我已經唔會再愛佢啦！慶幸既係，呢架車唔係我買比佢，如果唔係賠了夫人又折兵。
我眼尾望一望，果然係阿Jane，然後即刻用右手遮一遮個樣。而家個心情好心急，希望個紅燈快啲過。每次見到阿Jane，除左諗起許志安首「男人最痛」，仲會諗起張學友首「這麼近（那麼遠）」。
=14px我 留著你在身邊 心 仍然很遠
=14px我想伸手拉近點 竟觸不到那邊
=14px就欠一點點 但這一點點 卻很遠
我同阿Jane既距離，就好似呢首歌咁。我地分左手之後，雖然我地因為工作關係，不時會係機場碰面，但係我地之間既距離，已經愈走愈遠，已經不再有任何一絲既愛念。
不過唔知係咪時運高，還是有嘉欣呢個幸運女神。阿Jane佢地都見我唔到，等到綠燈一開，我就轉左出返大角咀上西九龍公路，阿Jane就直行去左深水埗方向。記得以前佢坐我架EG成日公主病發作，係到鬧神鬧鬼。所以大多數我都係揸佢架CLA出街約會。
如果比佢見到我揸緊FD2，肯定又話：「屌，咪又係垃圾Honda！」所以我就話你地啲女人唔會明白H車就是男人既浪漫。但冇所謂啦，見到嘉欣明白我係H車L既心情，我都開心返晒。
嘉欣見到我頭先既表情，就問我：「頭先個女人係邊個黎架？」
「冇野啊，唔識架？」我回應嘉欣。
「你唔好扮野啦！頭先你咁個表情，傻既都知你有野啦！快啲講係邊個黎。」嘉欣果然明察秋毫好似Madam咁盤問我，知道我逃避緊佢既問題。
「佢係⋯⋯我以前個女朋友。」面對住嘉欣呢種咁聰明既女仔，我知自己唔可以講大話，便決定同嘉欣講真話。
「原來係咁，咁我明啦 ！」嘉欣見到我個表情好咽哽，雙眼通紅，都唔再問落去。
而全程車，我同嘉欣都冇出過聲，唔知佢係嬲還是想比我冷靜下。於是我就揸架車去到機場既維修區，呢到好多時見到飛機升降，有時我冇野做都會黎呢到跑步、吹下風，思考一下人生。
由於夜晚呢到比較少飛機，所以顯得好寧靜。而且除左係跑道Duty緊既同事之外，只有我同嘉欣兩個人係到。
「呢到幾靚啊！仲有港珠澳大橋啊！」嘉欣話。
「係啊！我有時過澳門就係經呢到去啦！唔會出港澳碼頭或者中港城坐Tubro Jet。」我話。
「原來係咁，搵日放假帶我過澳門啦 ！」嘉欣話。
「好啊，有時吹下海風都幾舒服啊！頭先我咁同你講⋯⋯你會唔會嬲我架可？」我問。
「每個人都有過去既，更何況⋯⋯你肯同我坦白，我就知你呢個人好率真，唔會講大話。不過我未拍過拖，我就幫你唔到啦 ！算啦，欣欣就原諒你啦！」嘉欣話。
我估唔到嘉欣會係一個A0，咁靚既女神竟然未拍過拖。唔知係個傻妹要求高，還是有鐘意既男仔呢？不過好似我呢啲咁既毒撚，嘉欣又點會鐘意我呢？曾幾何時，我都鐘意過嘉欣。不過當時大家仲係五、六歲既小朋友，但小朋友既說話又點可以當真呢？
而家見到嘉欣已經由一個小女孩，變得亭亭玉立，成為一個女神。我諗佢一定受盡世伯伯母既遺傳同寵愛。
「傻妹，你鐘意睇飛機架咩？」我問嘉欣。
「係啊，學你啊嘛。係呢我爹地媽咪問你有冇蝦我啊！」嘉欣話。
「邊敢蝦你啊 ！幫我問下佢地啦 ！佢地而家點啊？」我話。
「OK啊！而家都係華航個總部到返工，仍然都係經理。我而家返桃園機場都會一齊返工啊。佢地叫你放假既話一齊去台北探下佢地啊！你爹地媽咪都係政府到返啊？」嘉欣話。
「好啊！爹地、媽咪升左職、而家係運輸及房屋局到返工，唔使返民航處。」我話。
「哈哈，咁呢一年你要車我返工架！唔準隨便放低我，由得小女子孤零零一個坐機場快線或者坐A20架！」嘉欣話。
「唔會Dump低你既！」我話。
「返去啦！」嘉欣話。
「嗯！」嘉欣話。
我地兩個就上返車，當然要Gentle啲，開門比嘉欣上車先，而嘉欣都好識做，好Sweet咁對住我笑。