我娶左個台妹做我老婆啊！: Chapter 14

我就九秒九係到沖涼，費事諗其他野。唔通我會諗住嘉欣會幫我打飛機或者口交咩？我諗我未出聲就被佢閹左做太監啦！不如如果有得同嘉欣好似AV片咁一齊入浴鴛鴦戲水，我一定會姦左佢，與佢瘋狂做愛。

唔夠十分鐘，我就換返衫出左去。幫我同爹地洗埋衫就入返房。

一入到去，見到嘉欣就係到將我間房佈置成佢既公主房，我心諗你真係當呢到係你屋企啊？

「沖完涼啦？」嘉欣問。

「係啊！你當呢到係你間房啊？」我問。



「咩啊！世伯伯母授權左比我啦，以後你間房既所有野有一半係我架啦！！Yeah！」嘉欣好得戚咁講。

我想講，如果你鐘意既，你想住一世都得架。不過心裡面嗰句唔可以講出黎。於是我就話：「你鐘意啦。」

趁嘉欣執緊野既同時，我順便執一執我同阿Jane既野出黎。由於我已經將佢啲野Block晒，所以我就想將佢既物品棄置、或者送比人。一打開個盒，係一個Shoei頭盔，呢個頭盔係我送比佢既拍拖一周年紀念日，等佢日後可以坐我架電單車遊車河。但分左手之後，佢就比返個頭盔我。我諗佢而家肯定會諗「寧願坐CLA裡哭、也不願坐在電單車裡笑。」

都岩既，或者我係佢既心目中，已經冇任何既位置。同阿Jane拍拖呢五年黎，我地曾經開心過、快樂過，可惜⋯⋯我地最後都要分開。趁而家呢個時候，不如黎個「斷捨離」，將我同阿Jane個頭盔同其他野，放返落個箱，準備拎去Dump個陣，嘉欣就冇啦啦叫我。

「你係到做緊咩啊？」嘉欣問。



「諗住將啲野拎去Dump啊！」我話。

「比我睇睇，嘩你好浪費囉！呢個頭盔好貴架。我知啦！係你個EX呢？」嘉欣就好似海關關員上身，係咁搜我個箱。

「係啊！反正都冇用啦！比返我Dump左佢啦 ！」我話。

「咁又唔使，嗱呢個頭盔呢就比我啦用啦。環保啲啊嘛！」嘉欣話。

係喎，點解我諗唔到既？？與其益啲街外人，不如比嘉欣個傻妹啦！咁佢以後就有頭盔用啦。於是我就比個頭盔佢，但因為個頭盔太耐冇用，所以我就叫嘉欣徹底將個頭盔進行清潔消毒先好用。過左一陣，佢就清潔好個頭盔。用左個Hello Kitty貼紙貼左落去阿Jane個頭盔到，對佢宣示主權，睇黎佢真係好鐘意Hello Kitty。



「好啦！個頭盔就係我架啦！你啊！以後唔準有藉口唔用電單車車我啦！」嘉欣好開心咁講。

「知道啦女王！」我話。

「係呢聽日有咩做啊？」嘉欣問。

「聽朝我地首先去左運輸署幫你搞返個香港駕駛執照，咁你以後就係香港有得揸車啦！」我摸住嘉欣個頭講，搞到佢好Sweet。

「Yeah！你話架！你唔準搞我架！Good Night！」嘉欣話。

講完之後，我同嘉欣都訓左覺，大家請放心，我地兩個只係訓覺，冇做其他野。