一開始,我地首先由LandSide開始慢慢行,呢到其實對我黎講已經好麻木,但係對嘉欣呢個岩岩回流香港既台妹,就變得好似一個充滿好奇心既小女孩,我都明既,記得我以前去旅行嗰陣,一Checkin完就會直接入禁區等上機。但自從我入黎做之後,由於要經常行黎行去,所以要好了解呢個機場既日常,你話呢到既日常係咪好悶,我可以答你,係呢到做野,可以好刺激,亦都可以好悶。刺激就係每日你都會見到好多你預計唔到既事情會發生,會搞到我地做到隻狗咁,但悶就係⋯⋯當凌晨冇航班嗰班,我地仲要係Terminal巡邏,啲時間真係好難過。不過有嘉欣小公主陪我就咩抵返晒啦!

當然,嘉欣都好識做,知道而家係On Duty,唔會借啲意嗲住我,反而好積極、認真咁去觀察同Drop Notes,留意身邊每一個Detail,佢呢種認真Mode搞到我有啲驚訝,睇黎佢真係一個公私分明既人,我對佢既擔心其實係多餘既。

行下去安檢嗰邊,嘉欣就停低左係到。


「做咩啊,欣?」我問。

「喂你記唔記得呢到啊?」嘉欣問我。



嘉欣講既安檢,就係我當年同佢Say Goodbye既地方,真係估唔到二十年後既今日,因為呢到,我地又會見返面,仲做埋同事。有時緣份就係咁巧合,係邊到分開,就係邊到見返。

「點會唔記得啊?廿年前⋯⋯」我同嘉欣講。

「我以為你唔記得左添⋯⋯」嘉欣同我講。

「唔會既,我一直都記得你,希望你可以返黎香港搵我,或者⋯⋯等我大個左就去台灣搵你⋯⋯只可惜。」我同嘉欣講。

「屌你啦!而家我地一齊做野,又一齊住,咁就得啦!請問下一站去邊呢?盧主任!」嘉欣問我。



「而家呢就帶你入去Airside啦,之後帶你去地面控制中心同出Apron。」我對嘉欣講。

我講完之後,同帶嘉欣經職員通道入Airside,而個傻妹都知道要放低隨身物品先可以過探測器,所以都唔使同佢講就好快攪掂。

入到Airside,呢到其實真係好多野睇,我個人覺得香港機場既配套其實真係好完善,用一個旅客既身份黎睇,除左有好多野食同店鋪去購物,而轉機/快船去澳門都好方便。唯一唔好既就係當然冇啟德咁方便。當然,香港作為亞洲國際都會,如果冇返咁好既交通配套,一定會比人笑甩大牙。


「呢到好多野睇啊。」嘉欣好驚訝咁講。



「係啊,其實台北個機場多唔多野睇架?」我問嘉欣。

「冇野睇架,得昇恆昌同台灣既手信。不過其實台灣既機場就有地方發展,呢到⋯⋯似要填啊!」嘉欣話。

「點會夠啊,呢到每日都咁多航班升降。唔起第三條Apron同Terminal一定唔夠。」我話。

我地傾下講下,見大家都口渴,於是我地就走去Starbucks到買Cafe,當然係我請啦!我就叫兩杯熱既Hazullut Latte,嘉欣見到我請佢飲野,即時笑得好Sweet。



 
已有 0 人追稿