我娶左個台妹做我老婆啊！: Chapter 36

於是我同嘉欣就落咗車，然後就上咗去Samuel屋企。你問我點解會咁熟架步？因為我同其餘嗰幾兄弟會成日想佢屋企打麻雀、打機、玩Hunter。所以Samuel屋企人基本上都會認得我哋，而Samuel同Rosita已經婚前同居，但因為結婚之前嗰晚佢哋係唔可以見面，所以Rosita呢幾日就返咗去佢外家，聽日先可以見到佢。

上到去，已經見到Samuel着住紅色戰衣，以其與同學會兄弟就已經幫緊Samuel佈置。

「嘩，你帶埋Ally一齊嚟啊？」Samuel問。

「係呀！」我話。

「唔介意呀嘛？」嘉欣開玩笑咁講。





「點會啫，你同其他阿嫂喺度傾吓計先。我夠鐘要梳頭！」Samuel話。

如是者，嘉欣就同班女傾偈，基本上都冇理我哋。我就當然同班仔⋯⋯齊齊講粗口問候下大家先啦。

「喂，Ally真係同你同居啊？」Jay問。

「係咁又點？唔係咁又點？」我串返Jay。

「屌你就爽啦同佢同居！」Jacky話。





「你地兩個晚晚有冇扑嘢先？有冇中出啊？」Tony問。

「我再重新講一次⋯冇⋯⋯多謝各位叔父關心。」我話。

「老友，而家Ally咪會成日見到Jane囉？前度對現任喎。你大鑊啦！」Leon問。

「上次咪見到囉差啲！」我話。

「唔係咁撚大鑊呀嘛？」Jacky問。





「冇辦法架，大家都係赤鱲角公司到做嘢，聽日仲要大家面對面添！」我話。

「你諗吓點搞喎，你知Jane個八婆咁仆街，早幾日見到佢同新仔一齊蒲老蘭。佢仲要成副戰鬥格添！」Danny話。

「屌都唔關我事啦，總之我同個八婆就各走各路，話你知呀就算佢死咗我都唔會見佢最後一面㗎啦。」我話。

「好嘢好嘢，果然有性格！之前見到你為咗佢喺度喊苦喊忽，而家有新女就喺度串串貢？」Danny話。

「都話冇新女啊屌你地！」我邊講邊對住佢哋舉中指。

「Ally咪係囉！」Jay話。

「你夠膽話對Ally冇意思？見撚到你對住佢扯旗喎。」Jacky話。

「那兄弟，你鍾意人哋就出聲啦！」Tony話。





「嗱嗱嗱我哋俾啲空間Leslie先！」Leon話。

我個班兄弟就係咁，通常講笑講到某個位就會自動收聲，驚我會對住佢哋發火。但係我又點會嬲啊？只要唔好咁過分，我多數都唔會點嬲佢哋嘅。因為我當時同Jane分手嗰陣，除咗屋企人之外，陪我走出呢個困境嘅，就係佢哋呢一班兄弟。如果冇咗佢哋喺度嘅話，我諗我嘅人生就會係空白一片。呢啲叫做咩？兄弟姊妹囉。如果你嘅人生有一班咁好嘅兄弟姊妹，你就要好好珍惜。

突然間我電話就叮一聲，為咗方便，我就走出露台到睇吓係咪公司搵我，但係⋯⋯原來Wtsapp我既⋯係一個傷害我最深嘅人⋯Jane！

點解Jane會仍然仲WhatsApp我嘅？我拗爆頭都諗唔明⋯⋯其實以佢嘅個性，佢係唔會返轉頭搵我㗎喎。況且個八婆肯定又唔知同緊邊條仔Un緊啦。但無論點都好，睇吓個八婆有乜嘢花樣先再作決定。

「最近點啊？」Jane問。

「好得很！」我話。

「咁你做乜避開我？」Jane問。





「你唔好講笑啦我點會避開你啊？」我話。

「我好掛住你，我真係好想返嚟你身邊㗎！」Jane話。

見到Jane個八婆講掛住我，我心諗佢係咪真係癡撚咗線？雖然我知道佢咁講一定會有佢嘅原因，但係sorry真係唔關我事！如果Jane真係愛我嘅話，佢當初就唔會同其他男人上床，背叛我啦！

當初我同Jane分咗手之後，我一直都爬唔翻起身。最初我成個人變得自暴自棄，每日收工之後就係借酒消愁，搞到自己人不像人、鬼不像鬼，身邊嘅同事、屋企人都係我擔心。因為我知道⋯⋯我仲係好鍾意佢。

Jane講完呢一段說話，搞到我而家個腦一片空白，冇辦法去思考下一步要點樣做。

但之前嘉欣同我提過，如果一直逃避始終都唔係辦法，與其不斷咁樣去逃避Jane，不如諗吓點樣直接了斷左呢一段感情，唔好再喺度拖拖拉拉啦。

好，既然係咁，我一定要企硬，唔可以再對呢個女人仁慈。就好似Dear Jane首「永遠飛行模式」嘅歌詞咁，我對呢個女人斷舍離。

如果愛你要放下自尊




不必了 我沒埋怨
明日我 如常過 沒想起你丁點
如多了我會變混亂
不打攪了 我知分寸
離別你 無限遙遠
即將 一切訊號都中斷

「冇可能。」我話。

「你知唔知我同你分咗手之後，我冇一日係唔會掛住你。我知當初係我拋棄你在先，你唔可以再同我喺返埋一齊！但係我真係好鍾意你架！」Jane錄咗一段好長嘅錄音俾我聽。

Jane錄完呢一句之後，更加顯得出我嘅決心。就算佢真係回心轉意都好，我好肯定我已經唔再愛佢。

當我喺度諗緊點樣講嗰陣，嘉欣就已經行咗過嚟露台嗰到，佢嘅出現就將我由地獄拉回人間。





「欣，做咩過咗嚟嘅？」我問嘉欣。

「做咩一個人咁悶啊？」嘉欣反問我。

「啱啱覆緊電話咋，冇嘢啊！」我隱隱約約咁樣講。

「你個樣似冇嘢？唔似喎？」呢個時候嘉欣控得好埋，佢知道我講緊大話。

「冇啊冇啊冇啊！」我話。

「你唔信就攞個電話俾我睇吓！」嘉欣話。

「做乜要俾你睇啊？」我話。

通常呢啲咁敏感嘅話題呢，講又死唔講又死。我越係唔想講，嘉欣就會越逼我講。我驚我一講完佢就會一哭二鬧三上吊，到時我就真係難落台啦！

「放心喎我真係唔介意㗎。反正我又唔係你女朋友！多個人陪你分擔下會好啲㗎！快啲攞部電話俾我睇吓啦。」嘉欣嗲住同我講。

見到嘉欣友善既眼神、溫柔嘅語氣，令到我放鬆咗自己嘅防線，到底佢係扮理性？還是真係幫我分擔呢？

當我諗到入晒神嗰陣，嘉欣就已經搶咗我手上嘅iPhone 11 Pro。

「哈哈搶到你部電話啦，你死硬啦！」嘉欣大笑。

俾嘉欣咁樣搶咗部電話，唔知點解我完全冇嬲佢，反而仲覺得佢而家呢一個樣，真係好可愛、率真。

「做乜搶我部電話？我部電話冇嘢好睇個喎！」我話。

「咩啊，我鍾意啊！你吹咩？」嘉欣話。

「你鍾意咪睇囉，反正我電話又冇嘢睇！」我話。

「等我check吓你同邊條女傾偈先！」嘉欣就好似偵探上身咁睇我部電話既Whatapp既Chat Room，然後見到Jane傳送俾我嘅對話，就Click左入去。今次真係冇喇冇喇！

我就完全冇出聲，嘉欣就一路睇一路笑。