呢個時候,Jay同Jasmine就將個台交俾今日嘅男女主角Samuel同Rosita,講吓依一刻嘅感受。

首先Samuel就講吓點樣識Rosita,然後如何去相愛,到之前點樣同Rosita求婚。然後佢哋兩個喺度逐一多謝佢哋嘅屋企人、我哋班兄弟姊妹等等⋯⋯見到佢哋兩個一路講一路感動到喊。我先知原來婚姻係一項好神聖嘅事情,兩個人係因為認定對方係終身可付托的對象先會共諧連理,唔係因為一時三分鐘熱度而作出呢一個決定。

如果到我搞嘅話,我一定會好好咁樣多謝我將來嘅太太,一定要令到佢好感動先可以娶佢。希望快啲遇到呢一個令到我付托終身嘅女人啦。

Samuel同Rosita講完之後,我哋就睇返佢哋兩個嘅成長片段。由佢哋BB時期、童年時期、青少年時期、成年人時期,然後到佢哋拍拖嘅片段。當然係青少年時期裏面有好多我哋同學會嘅合照,唔使講一定有我喺度。不過唔知點解見返我以前個樣嗰陣我真係好想笑。點解?因為當時個個都留MK長頭髮,得我一個係留90年代中分。搞到不斷咁樣比嘉欣恥笑。

「嘩你哋嗰個當年咁MK嘅?哈哈你個頭好核突啊。」嘉欣見到我以前張相喺度大笑。



「香港MK文化係咁㗎啦,個個都留長頭髮扮F4同飛輪海,係得我喺度扮郭富城姐。」我自嘲咁樣講。

「唔係呀郭富城幾好睇呀。」嘉欣話。

「乜你咁另類嘅?」我話。

「同你一樣,非主流囉。」嘉欣偷笑。

「Ally同你講啦,Leslie呢以前係我地學校田徑隊最快架,成間學校包括啲體育阿Sir都唔夠佢抽,我記得以前由Form1到Form6陸運會冠軍都係由佢攞。」 Andy話。 



「陳年往事黎啦!而家阿Sir你快過我啦。」我話。

「乜你以前咁勁架咩? 」嘉欣問我。

「唔係好勁啫。」我話。

「搵日同你跑半馬。」嘉欣話。

「好,輸左你就...... 」我奸笑。



「咩啊,你以後要聽晒我話知唔知。」嘉欣家長上身。

過咗一陣,啲嘢食都嚟咗,今晚嘅菜式都係一如以往,都係乳豬、炸子雞、蒸魚、魚翅湯,海參鮑魚、最後就係甜品等等。但話時話呢間酒店啲嘢都幾好食,而且啲設施都幾齊全,下次有機會就喺度飲吓嘢食下飯都唔錯。

「做咩你咁大食?」我問嘉欣。

「好食呀嘛。」嘉欣話。

「台灣冇得食咩? 」我問嘉欣。

「有,不過香港好食啲。你都食啲先啦!」嘉欣話。

「係呢,咁快啲食啦!」我話。

食到咁上下,Samuel同Rosita突然叫話要我地做表演,點名叫我係到演唱,喂喂喂我明明冇準備。結果全部人都係到拍手同歡呼,而嘉欣仲叫得特別大聲。 



難得開心事,我當然要唱一首張學友既《有個人》,祝福一下呢對新人。 張學友 有個人
作詞:陳少琪
作曲:Eric Kwok

上個世紀 像已籌備然後這生分享趣味
換了角色 換了場地都等待你
若要說出 甚麼是你談話思想都可細味
明瞭內心 如同自己寫我人生精彩傳記

同行共創造時勢運氣 相識一天算起
我敢擔起各樣危機 有背後人是你
同行共領會人世道理 假使一天不再飛
到公園中散步年紀 有結伴人是你



若到某天 尚可合照頭上多稀疏都美妙
肥胖或者 眉毛漸少 一切外表 都不重要

同行共創造時勢運氣 相識一天算起
我即使生氣及無理 有慰問人是你
同行共領會人世道理 假使一天不再飛
有新相識我便提起 有個內人是你

同行共創造時勢運氣 相識一天算起
我敢擔起各樣危機 有背後人是你
同行共領會人世道理 假使一天不再飛
到公園中散步年紀 有老伴仍是你

  



 
已有 0 人追稿