我娶左個台妹做我老婆啊！: Chapter 68

我就車住嘉欣、舅父舅母出機場。如是者，舅母同嘉欣係到講女人野，而我同舅父就係到講下機場同車啲野，其實咁既，有時舅父舅母如果咁岩同我一齊返工放工，我就會車埋佢地到國泰城，然後再去Terminal到返工。反之亦然，收工都一樣，車佢地返屋企。

話咁快又黎機場，我就將架車泊係Terminal。舅父舅母就去左Check In先，叫我地唔使送佢地。而我同嘉欣就去左入更，換Uniform。舅父就話唔使送佢，叫我地返去做野同泊返架車就OK！

換好衫，岩岩好我同嘉欣又同更，順便大家作個Briefing。睇返上一更個同事有咩要Follow Up。

「今晚去邊到食飯啊？」嘉欣問我。

「爹地話Book左遊艇會食飯，係銅鑼灣，叫我地收工車世伯伯母去。」我話。





「收到，我地做野先！好啦主任，我地今日去邊到呢？」嘉欣話。

「我地去一去露天停車場，有啲Facilities要換，睇下維修部嗰邊有冇Follow。」我話。

「Yes SIr！」嘉欣話。

行行下，見到Lift嗰邊個座椅有人漏左部iPhone。我同嘉欣就用Duty Phone去影相留底，然後就仔細睇下有冇咩資料就拎去Lost&Found。

點知有個打扮光鮮既中年阿姨走過黎，講啲上海口音既廣東話。我就用返我啲上海話Reply返佢。





（以下係上海話⋯⋯唔明既可以Skip睇⋯⋯）

「唔該⋯⋯搿個手機係我架⋯⋯吾老不好意思！」中年阿姨話。。

「小姐⋯⋯儂可不可以開一開儂隻電話⋯⋯來三伐？阿拉要曉得搿隻電話是不是儂自家的？」我話。

「可以啊⋯⋯儂⋯⋯儂上海人啊？」中年阿姨大吃一驚咁話⋯⋯然後佢就開電話比我地睇，Cofirm左係佢本人。

「吾是香港人。但是吾外公外婆是上海人」我話。





「儂來三啊，上海話講得來三伐。東航到上海搿飛機是啥地方啊？」中年阿姨話。

「儂到E區就可以了！」我話。

「謝謝儂！再會啊！搿個是吾的卡片，歡迎儂到上海尋吾！」中年女人話。

「我也謝謝儂⋯⋯下趟再來香港白相囉！」我話。

我同嘉欣就繼續行Bit，見到佢個表情咁陰險，又想敲我竹杠。

「喂？乜你識講上海話？」嘉欣問。

「係啊！做咩啊？」我問。

「點解既點解既？」嘉欣問。





「媽咪教我架！外公外婆係上海人，所以我咪識囉！」我話。

「嘻嘻！下次教我！我地係咪去停車場啊？」我話。

我地行去露天停車場做巡查，一出到去，就會發覺同Terminal既溫度係兩個唔同既世界，好熱啊！！！到底我地黎停車場做咩？？冇錯啦！就係去睇下停車場有冇啲「死車」，「泊霸」要Update，然後再報返上去同比警方。講真啲「死車」搞到啲車位緊張，唔怪得啲人話我地冇車位，其實唔係冇車位，只係比啲人任意佔用咁解姐。

至於你哋話我地做咩唔可以拖走架車？第一，因為呢啲「死車」係私人財物，我地唔可以任意拖走，又要經過警方嗰邊，一搞又要唔知幾耐。第二，就算攞啲車去拍賣都圍唔到皮，更何況車會折舊架嘛！

見到，果然不出我所料，嗰架鋪晒塵既老爺銀色三菱Lancer Sei仲係到。點解我會講呢架車呢？因為呢架車由我入嚟機管局到做到而家，大大話話都有四年以上，依然都係泊嗰個位。我諗呢幾年既停車費都可以Cover返到當年既新車價了。



「嘩呢架車係咪咩三菱Lancer？？」嘉欣問。





「你咁都知？」我話。

「我有睇過頭文字D架，須藤京一嗰部但唔係EVO啊嘛！台灣都有呢款車啊！喂你睇下張行車證。」嘉欣話。

我地細心咁望一望，原來張行車證到期日係2002年1月，原來已經泊左十八年，計返停車費起碼都有過百萬以上，當年黎計可以買樓了。（當然而家唔得！）

「呢架車泊左十八年啦，我入黎做嗰陣呢架車已經泊係到！」我話。

「乜個車主唔攞車既？」嘉欣問。

「可能死左掛！我地照報上去啦！」我話。