【愛情】【冒險】【穿越】【友誼】【喪屍】《三天之後，遊戲開始》: CH.2（3）【祝你在亂流下平安】

「Mola, mola, 呢個世道，根本唔使諗要有希望。」

「Never give up，放棄才是真正的沉淪。」

「你講就口響，邊個唔會有呢個心態？」

「非也非也，心態唔應該都表露出嚟，就算表露曬，都唔可以被乘虛而入，唔只你一個有呢種無力感。」

「反正我就唔理，放棄咪放棄囉，最多都係死啫。」



「但今次唔同你打機，的確件事生勾勾咁樣發生喺你眼前，你冇得復活，冇得做演習，更加冇得番轉頭。

錯嘅選擇，就相對應住錯嘅人生。

我都有好多種諗法，但係我唔會講出黎，因為我要經過思考，經過唔同嘅考量先會講出聲，我唔想因為我嘅錯誤而影響到同伴。」

寧作孤軍奮鬥的鐵人，不作臨陣退縮的小人。

「邊個想做懦夫？我唔介意你地咁講自己。」



心態決定境界。

「心態要好，厭世到咁，想唔死都幾難。」

我一字一句都諷刺住佢地。

「Agree，你又錯唔曬，袋住先。」Alan附和。

啱啱仲串串共嘅另一個同學，都已經深思中。



但好明顯佢都係想企硬自己立場，不過應該都係想搵個下台階啫，我估。

「我知大家唔一定可以即刻接受到，比啲時間你地啦，不過奉勸你地一句，我很肯定好快會有大單嘢，所以你地快手啲啦，我地要做好部署，準備好一切。我知嘅，你地唔會咁無義氣嘅，一定會跟我地啦，係咪先～Wait for u guys！」

我使用激將法。
「啊！你又知一定會跟大隊嘅！頂你啊。」佢地對我笑笑口。

Yes，成功！

「我預計之後嘅生存問題會大好多，同埋感染者數量真係會急升，唔係講笑。

分分鐘我地下一個moment就要轉點，搵過新陣地，唔一定有辦法守住呢度。

我地要隨時準備好所有要帶走嘅物資，一抽二袋咁走佬。



最主要，我地呢個位其實都已經係區內數一數二嘅點，所以要轉場，級數就一定唔會向上升，永遠都係向下跌，所以我地求神拜佛希望呢度喺我地守唔住之後都唔會淪陷為感染區。

最後一句，小心為上。

唔好要自己嘅愛人們咁擔心，我知你地呢個時勢都係互相支撐，加油啦。」

「嗯，頂住啊！」大家都回應一句。

相約某天重遇。

在亂流下也可以好好生存。