【愛情】【冒險】【穿越】【友誼】【喪屍】《三天之後，遊戲開始》: CH.12 (6)【迷】

「我地聽到一半，我就突然之間出現幻覺同埋頭痛咁樣，醒翻之後前面嘅人完全唔似有出現徵狀咁，反而就有另外一個同學，好似我咁啱啱回神。」

「咁你幻覺出現咗咩景象？之後你做咗啲咩？」

「出現咗⋯出現咗，一片火海。你知唔知火海中出現咗啲乜嘢？」

「出現咗咩啊？」

「我嘅一班同學。」



「你有冇救到佢地。」我冷靜地提問。

「哈哈，救佢地？你大錯特錯啦。其實，係我自身都難保。

因為，火海中嘅唔係佢地，而係我。」

「⋯唔係啊⋯咁鬼迷？」

「呢度仲未係最迷，最迷嘅，係我地一眾人身處嘅地方，俾紫色加白色嘅建築物圍住。」



「唔好講啦，我諗我知咩地方啦。」

「最後一樣嘢，我最後一眼望到一絲曙光。伴隨曙光而來臨嘅，係幾位睇唔清楚樣嘅人，佢地嘅樣貌好似係好刻意咁俾光隱藏。」

「咁會唔會知道佢地大概係咩年齡層？或者似係啲咩人？」我開始思考。

「唔知，我有嘅資訊就係咁多，sorry。」看起來真的是一知半解。

「咁你醒咗之後做咗咩？同埋知唔知另外一位見到咩事件，場景？」



「喀喀喀⋯嘻嘻⋯」詭異的聲音從電話中傳出。

「喂喂喂，點啊喂，仲未知咩事？嘻嘻。」未曾聽到過的聲音嗎？

「你，係邊個？上次係咪又係你條友玩電話。」我有點兒憤怒。

「嘻嘻，唔好問咁多啦，我勸你都係唔好知得太多。唔好⋯」電話接着掛斷。

「喂？唔好乜鬼啊！講埋佢啦！頂，斷埋線添。」

「成日都係咁，想聽嘅情報又聽唔到，唔想聽到嘅廢話又好似唔使錢咁接住嚟，激氣。」

「喂，我搞掂啦，佢地話安全，但係附近一帶出現嘅野怪多咗。依家佢地存糧仲有好多，超市同便利店嗰度好唔錯，叫我地唔使擔心。」

「冇問題，唔該晒。」



我都係時候打翻去本陣，同佢地溝通下。

「喂，阿餅，點啊。呢邊ok嗎？有冇嘢需要我翻嚟幫手？」

「冇啊，呢邊一切平常。你幾時翻？」

「如果冇事冇幹嘅我今晚11點左右會翻，有啲嘢要做，你同班兄弟講記得等我翻嚟。我會有少少嘢講，關於感染者嘅。」

「你做乜無端端講呢啲，唔好同我講你諗住去研究佢地。」

「Bingo，你真係太過了解我，次次都俾你講中晒我啲秘密，由F.1開始你就係咁準。」

「咁冒險，等陣出事喎，唔好俾我睇死你嚇到叫天不應叫地不靈。」



「唔使驚，我係邊個先得架？」

「晒氣啦你，咁我等你好消息。」

「差少少唔記得，幫我叫佢地搵多次屋企人，10點半左右啦，我差唔多嗰個時間翻嚟，如果有咩問題我會幫你，不過記得唔好俾佢地情緒波動得太勁，好容易搞出個大頭佛。

因為我都唔知會發生咩事。最重要嘅係，依家情況已經唔同咗。」

「明白，我會控制住大隊。」

「你嘅屋企人點？」

「冇嘢，佢地依家好安全。因為佢地去咗台灣旅行，放咗我喺度香港繼續補課囉，勁衰。

Btw，今日我注意到有人偷偷地打電話出去尋親，但係完全冇音訊。」



「喔，咁慘，依家啲家長咁興獨留兒童在家咩？真係不可取不可取。

冇音訊嘅意思係咩？」

「即係打過去直接留言信箱，或者冇人聽。」

「第一次打嗰陣通過？」

「係啊。你話咩今次原因打唔通啊啦。電話冇開？訊號唔好？死鬼咗？定係人間蒸發咗。」

「哇，咁好想像力。創造力量同幻想會嚇你一跳。」

「咪玩，我認真。」



「好快你會等到我嘅答案，到時面對面啦。」

「又要下回分解，服咗你。」

「Bye～」電話掛斷。

搞掂。