【愛情】【冒險】【穿越】【友誼】【喪屍】《三天之後，遊戲開始》: CH.20【安心？】

天知地知我唔知，竟然之後會發生啲咁嘅事。
—————————————
「有冇受傷。」我裝作冷酷。

「冇啊，咪扮型啦。聽大家講頭先有同學真係打咗電話出去？然後就搞到裏面雞飛狗跳，亂糟糟？」她一眼望穿我裝出來的冷。

「Yup，總係會有啲咁嘅人，想搏出位。咁咪搏埋自己條命落去囉，自己攞嚟衰。唔作死真係唔安樂。」回復了過去的語氣。

「唔好咁在意，完咗就忘記啦。」又一次安慰。



「唯有啦，唔想煩咁多。」無奈的我，只有這方法。

就算失望，都唔能夠忘記保護好大家。

「仲有冇心情？」我續問。

「冇咩啦，有咁嘅時間做其他嘢，你不如諗諗糧食供應？」

「暫時，得番一個月到嘅糧食？不過我地唔會知道係咪真係夠用，可能會有變。一陣間其他班都嚟搵我地backup，我地都唔知點好。」



想啊想，現在電話聯絡好像不太安全了，那些軟件也很快會因為網絡完全癱瘓而宣告壽終正寢。

還是要親自去看看，了解一下路線吧。

「咁你依家點同佢地聯絡。同埋佢地點知唔可以用電話打出打入？」女神問出了個根本。

「係喎，今鑊真係甩鬚。好彩，你嘅阿M又未有咁蠢，呢個世界有通訊軟件嘅，我一早通知咗啦，要睇佢地執生啦。

AC喺慈雲山，聽講就冇咩事嘅，但係我覺得好大機會係個隱藏疫區，唔知點解有種感覺。」



其實並非感覺，一個這麼多學校，民居的地方，自然人口稠密，人口稠密，更容易爆發病毒感染潮。

分分鐘在我們逃離學校時，這一切早就已經開始了。

「DE呢就喺彩虹邨，佢地就話封咗邨架啦，同埋都已經盡量搵出咗倖存者，其實都唔係好多人。

只不過，呢兩日冇聽講過佢地嗰邊嘅倖存者有咩問題，應該就安置好曬。」我準確地把資料全數存入她的記憶。

「哇哇哇，咁多嘢你記得住架啦？真係靠你啦。」

「得啦，萬大事我喺度。夜啦，早啲去休息。」我神氣地說。

「先12點？唔係啊？」她快要暴怒，為何用了這麼長的時間，也才12點。

「唔好理啦，早瞓好啊，對皮膚好身體又好，起碼唔會越變越肥。同埋啊，你唔會知道幾點突然要起身走佬。」我列出早睡的好處和原因。



「好啦好啦。早抖。」她不情願地回去了營地。

「大家都翻入去啦，我地搞掂曬啦。」阿餅說。

他不知從何時就在我旁邊不遠處。

「頭先嘅嗰位唔知咩同學，我地已經將佢收押喺監禁區，大家唔使擔心，營地冇受列任何影響。」我依然想不起那位Jason到底是誰人。

「咁就好啦。今晚有覺好瞓。」大家你一言我一語地附和着。

「行更嘅可以休息，夠鐘換更。仲有，大家小心夜晚撞嘢。」我公佈。

呢一更好似有我名，要開工了。



「行啦，Ken，我記得依家好似有你同WN份。」我思索着早已編排好的時間表。

「係啊，我隨時行得。」Ken沒有忘記。

「希望今日夜晚可以安安心心咁過。」我望天打掛。

「我都係。」每個人心中的願景，應該也是一樣的。

出咗營地，再次望向呢個作為我地據點嘅多個出入口附近，都充滿咗一個又一個感染者。

好彩，上山嘅路完全清靜。

不過望向山下嘅感染者，我實在有種衝動想完全消滅佢地。

消滅？唔係唔係，係驅趕先啱。



唔似係我自己嘅諗法。

但係用意，都係一樣。

保護大家。

保護好佢。

【世界已默默地將你改變。】