「咁就得啦。裝備搞掂未?」

「我俾咗佢地一人一把刀仔,外加一支木棍或者棒球棍,其中兩位我俾咗佢地一啲急救工具,佢地會做後援。

之後我會帶4,5支改過嘅槍,擺喺車上面。落車嗰陣,你同我一人攞一支。」

「我唔使,你俾Alex或者阿駿。」希望這能為大家加一點生存機會。

「快啦,時間唔等人。二十分鐘之內到慈雲山。」



現在時間05:18。

「Gogogo!有啲小興奮。」阿虎說。

「估你唔到喎,係唔係扮嘢啊,興奮咁誇張?」Alex和Malvin不解。

「點會唔興奮,第一次喎,之前我好鍾意呢啲末日題材嘅嘢,係個末日發燒友。

依家可以親身體驗,真係好正,我要打十個!」他真是個狂熱粉絲。



「我依家揸車去五金行先,快趣,有咩攞咩,車上面有位俾你地擺。」我提醒大家。

「唔使錢架,唔使驚荷包大出血。」我們這算是趁火打劫嗎?

「咁正?我想做好耐,之前都唔夠膽。」法拉利插話。

「你又有咩特殊需要?購物狂定偷竊狂?」我嚇了一大跳,這些真的是我們班的人嗎?那他們收藏得真是好啊。

「小心炒車啊喂。」十三把我叫回來。



「到啦到啦,大家快手,釘槍係主要,仲有魚絲,如果有就攞,冇就攞勾繩,我留低,十三你帶隊,帶四個癲佬出去。」我安排妥當。

「冇問題。」十三表示。

「阿飛,跟實我。」十三扭頭就說。那是他最好的朋友。

「靠你啦,之後我都係做後援兵比較好,打交你幫我應付啦。」

「當然啦,老友。」十三承諾。

就咁樣,十三、阿飛、法拉利、阿虎仲有阿駿就即刻衝出校巴。

呢架校巴話大唔大,但係十八座就啱曬心水。唔知點解,對住有關倍數九嘅物件,都會有異常嘅興奮。可能係對「九」嘅羈絆。

「得番我地幾個得唔得架?驚唔驚有一大波進攻嚟打我地?」Malvin在試探?



他大概是不想自己的生命就在此終結,還是因為自己能力不足而導致的。

「點解要驚,我未驚過。」我直接把他的話題給畫上句號。

「你怕唔怕會引咗其他惡意倖存者或者感染者過嚟?」阿樂問出一個致命點。很有可能在我們剛才駕車奔馳的時候,已經被非友善生物盯上。

「驚都冇得你驚,打過囉。佢地想上車都幾難下,或者我地落車打過先至比較刺激?」我有點小期待。

「安全啲好,依家我地可以做嘅就係守好架車。」Alex提出。

「的確,唔係講笑。」這是一個嚴肅的問題。

「暫時情況穩定,我地只需要等一陣,等到佢地齊裝開始,之後就要踏上旅途。」這是一場與時間的競賽。



「你地搵成點啊。」我利用對講機找一找十三。

「未有太多收獲,不過釘槍都仲搵到。」

「唔緊要,你地盡量攞,我地架車擺得到嘅。兩分鐘之內翻到上嚟啦,盡快。」時間不等人,到遲一秒也是遲。

一秒足矣讓整個區域被感染者攻陷。

話口未完,就見到電話又多一堆message。

「我地會嚟支援,你地頂多陣。」阿Long—05:23

「我地都會。」阿德—05:23

下一個係語音訊息。
已有 0 人追稿