【愛情】【冒險】【穿越】【友誼】【喪屍】《三天之後，遊戲開始》: CH.25【本質】

「Cling—Cling—Clint—」一個一個的汽油彈已成為火牆，把感染者隔絕。

「哇咕嘰咿嘎嘎—咔咔」感染者只看到眼前的我們，無視了這些火。

「喂，點解會咁架！佢地唔驚火？」法拉利說道。

「我都唔知啊！法拉利！你跑快啲，去同佢地其他人匯報，搵多啲人出嚟！」

我看着感染者們一浪接一浪地摩肩接踵，自知失策了。剛剛根本沒有這麼多的感染者在附近，肯定是它們的低音頻把其他在這區的感染者也召集過來。



「唔係啊，點解會突然咁多？」阿Long也驚呆。

「點鬼知，九成九係佢地嘅低音頻出事，今鋪老貓燒鬚。」我責怪自己為何不知道低音頻的意思。

「喂，唔好放棄。你若放棄，誰佑我城！」Zenia簡短而有力的打氣，把我們的心機拉回不少。

「唔會唔會，我點都會盡力。阿Long，出招啦。」我們是時候要使出畢生絕學，不能讓大家失望。

我地拔出短刀，將槍械俾後方嘅隊友們。



使出學習咗好耐嘅武藝。

加上凌厲嘅刀法。

我踢出了蓄滿力度的高踢腿。

眼前嘅「青」喺未反應到嗰一剎那，就俾我搵到空位。

骨牌效應，使得跟佢身後嘅感染者好似保齡球咁徐徐倒下。



一石三鳥。

骨架真係好脆下，咁容易就直接玩完。

「呯—哈喝哈喝哈喝！」阿Long對着感染者們就是一波波的連擊。

感染者先啱啱艱辛咁行到佢嘅面前，然之後就突然眼前一黑。

「喂，佢地越嚟越多，遲早塞爆我地。分分鐘打成幾個鐘都未完。」我發現了端倪。

「打咗先啦，唔好諗咁多住，所有行動以保住據點為先。」

「但咁打落去佢地都會冇體力！」我為他們想着。

「我翻嚟啦，大家都出咗嚟！佢地點做？」



「叫佢地將所有物資放上去要揸住離開嘅車上面，或者我地頭先坐住上嚟嘅車！

其他人，全部企後方，準備好作戰狀態！」我的計劃或許已是最周詳。

「冇問題。」法拉利回。

「我去擺物資，你留低。」後方爭吵聲不絕，情況不太妙。

「唔好嘈啦，再嘈大家盞攬炒，全部都走唔甩！聽法拉利講，唔好再爭。」我發怒了。

「你唔驚俾人食啫，我驚啊！唔好要我留低送死，我要上車！」一位同學說。

「你驚我唔驚啊？我都要上車！」另一位女同學爆氣。



「唔好拗，我上車！」一位瘦削身材的同學把他畢生霸氣也盡出。

佢地爭相跑向天橋出口，準備行去我地嘅車上面。

「頂你班友唔係人嚟架喎！」「大難臨頭各自飛！」阿樂，十三同時發言。

佢地嘅喝斥，無法平息同學仔們想去安全地方嘅心。

「我行先啊！」「我行先啊！」「點解俾你行先？咁我咪好無面？」一堆堆的爭吵聲聲入耳。

這就是人類嗎？

這還是我熟知的同學們嗎？

佢地嘅行徑一下比一下過份。



左推右撞，部分男丁仲將軟弱嘅女仔撞倒在地。

只顧自己擠身向前。