【愛情】【冒險】【穿越】【友誼】【喪屍】《三天之後，遊戲開始》: CH.37【世界並不容許異類】

（？視角）

「喂！喂！喂！M我call咗人嚟幫你啦！唔好擔心，司機大佬同我講佢喺度！」我緊急地向M報告。

「你係邊個？唔好講笑啦？」M聽不明白也很正常，我也不打算解釋，要不然他一定會像媽媽說教一樣，把我吵個底朝天。

「唔好問啦，司機大佬同我講架！佢叫我即刻過去，咁我又唔知點解真係上到嚟喎，咁我咪索性留喺度，等下會唔會有特別嘅事發生，頭先嗰把聲我都聽到，所以恕我冇辦法坐視不理。」我省略部分重要事宜。

「吓！連司機大佬都知道你？你係邊個，點解佢會通知你？」M覺得自己像是個備胎。



「唔好在意細節，我地預計敵人會好快出現，你快啲翻嚟！」我要M快點回來。

「咦啊—我⋯好辛苦。唔得⋯唔得，一定要⋯一定要頂住啊啊啊啊啊！」M是把他的能力開啟了嗎？

司機大佬嘅講法，真係冇錯，好彩冇走漏佢嘅要求。

M，對唔住，要你承受更多痛苦。

你會知道點解架啦，好快。



（L視角）

回帶至二十分鐘前。

「喂，靚仔，我係晴子啊！唔係，我係阿晴！你嘅客戶服務員。搵我做咩啊？你有嘢想做定係有嘢想知？」阿晴很雀躍地問我。

呵呵。點解我會叫佢做阿晴？

不要問，只要看。



「我想上去幫M仔啊，可唔可以？係咪有咩交換條件？」我很心急地問阿晴，只想着要如何才能幫到M保衞本陣。

「吓？呢個申請，我要批核一下，大概等我五分鐘。今次真係五分鐘！其實呢我想講，本身身處喺我地呢一個空間嘅人，係唔可以干涉人間內政，所以我真係要用少少時間嚟向上面申請，我都係第一次收到呢種委託，就正如我第一次收到好似你咁把炮嘅客人咁樣。」她這次說真的是五分鐘呢，我就暫且相信她一下吧。

五分鐘後⋯

十分鐘後⋯

「咪住先，阿晴，你唔係話五分鐘咩？」我數着時間，這已經過了大概十分鐘吧！

時間就是金錢！我地呢度每過六十秒，就係人間嘅一分鐘啊！

唔可以再拖了，時間真係無多。

「唔好意思啊，我都一早交咗上去啦，都標明埋係急件啦，應該好快就會收到回復！你等多一陣，我都唔想拖架！」阿晴反駁我。



「咁冇計啦，唔怪你。真心好急，我有冇辦法可以快啲得到呢個答案？」我真的有夠焦急。

「真係冇。呢度嘅leader出名慢出名麻煩，你個申請可以喺十五分鐘之內完成都已經係萬幸。」看來她早已習慣了上頭慢吞吞的操作。

「妖，真係麻煩，手腳仲慢過我。」這該死的領導人！

「唔準你講粗口！不過，真心講句，真係慢過你。」她有點小生氣，主要是想我別再說那些粗言穢語。

「你唔好咁講啦，我都改咗好多啦，咁耐以嚟我都唔知快咗幾多倍，都係呢幾年嘅歷練幫我嘅。」我衷心感謝三年來她的幫助。

「你驚唔驚呢場trip會有危險？可能上頭個申請會批，但係你依家要去幫手一定要半實體化先可以，呢個人間已經開始扭曲，你再去就未必安全。仲有機會喺嗰邊出事，咁多年嘅心血，就咁一朝完結。」她臉上流露出擔憂的神情。

「冇問題喎，話曬M都係我咁多年嘅老友，冇佢都冇我。



佢成日都話係我幫佢，其實係佢幫得我仲多，喺我有需要，佢唔會怕任何人對佢嘅唾棄，只要老友有難，一定會喺左近。

呢句同時都係佢嘅人生座右銘。」朋友從前這麼為我，我當然要兩脇插刀！

「啊！係啦！呢場任務嘅雖然要消耗好多卷，同時你都有機會可以得到卷。」阿晴突然想起了這件很有趣的事。

「點解？咁得意？」我對於這得到【卷】的方式十分好奇。

「因為，呢個世界嘅扭曲，係我地『瀰』空間最唔想見到嘅。喺外面大搖大擺走嚟走去嘅感染者係我地唔樂見，而且係想消除嘅大問題，又或者可以話係大—漏—洞。你走出去，見到每一位感染者都會係真真正正嘅惡霸。

雖然佢地係人類內心深處嘅真正持份者，不過你都有眼見，大部分感染者嘅存在都對呢個社會造成最深層傷害同影響。同時感染者存在係對正常人嘅唔公平，因為佢地本身就係社會擁有人。」阿晴用心地向我說明。

「世界，總係唔容許怪胎存在。」我加入了一些哲學元素。

「的確如此。而且，『共存』呢件事，都一樣唔會發生。」她也感嘆起來。



「冇錯。雙方嘅權力遊戲，唔係你死就係我亡。勝利嘅一方，要子民完全臣服於膝下，就必須要將佢地變成同一類人。

唔願意嘅，只有死或者苟且偷生兩個選擇。依家有第三個選擇，就係聚集所有同類人，嚟一個大反擊。

當然，唔願意臣服嘅一方，都有細膽同埋懦弱嘅人。

而呢啲人可以話係聰明，因為佢地不費吹灰之力就得到咗勇士們以身軀換翻嚟嘅成果。

又可以話係賤格，因為睇住人地受傷、死亡，自己都唔去伸出援手，依然喺溫室之中自己顧自己。

所以成也蕭何，敗也蕭何。點都好，贏同輸都有佢地份。」

「咁深奧嘅嘢我聽唔明啊，可以唔好咁哲學嗎？」阿晴嘟起小嘴。



「一句講晒，只有同一類人至可以完全臣服喺一個人嘅膝下。」我嘗試用一句來解釋。