［打鬥/靈幻/鬼怪］《輪迴。道》/《噬魂》我由古惑仔變咗做現代道士: 11

我依稀看到她一步一步走向我，但我沒力氣起身，看著慢慢她逼近，內心仍是恐懼的，她舉起手準備了結我，手伸出時，突然被人飛踢開了，那人落地，我看清了，是大叔！他出手了

這時也有人扶起我，我一看，是那天憑空出現的女人，她扶我坐到旁邊靠著牆休息

「點解..你」我勉強說出幾個字

「唔好講野住啦，好好休息下先」她溫柔說出

目光再次聚焦到大叔身上





「死...道士！行開！唔..關你....事！」

「我住樓上，你嘈到我」

「快啲走！如果...唔...係..唔好...怪我！！」

「嗯？我都想睇下你點樣怪我」

「好！」她衝向大叔





「𡃁仔，釘！」大叔從容不迫的躲開攻擊，還有時間回頭跟我說話，我將剩下的釘都拋給他，他一手接住，轉身，右手一揮，中！左肩中釘了，她一腳前撐想還擊，但被大叔一手捉住，大叔拿著釘刺向她心口，不用說也是準確命中了，果然是經驗老到，不消五分鐘，就只差一釘就完成了，但我這時數了一數才發現，頭頂、雙肩、雙腕、心口，都只有六處，那第七釘是要釘去哪啊

「係咪發現唔啱數」他看著我笑一笑，話畢，大叔走向躺在地上的她，蹲下

「我知佢害死你同你屋企人，佢都好後悔，佢都盡咗力去彌補，雖然我地冇辦法改正過去，但你有能力放下一個仇恨既輪迴」

「我知..但我真係好掛住我個BB啊，佢仲未出世㗎..無辜㗎」看來她的陰氣真的去除不少，理智回復很多，可以開始正常對答

「你一日唔放低，一日都見唔返佢地」





「⋯⋯」

「你個BB叫咩名，男定女，幾時陀佢㗎」大叔仔細地問

「黃希彤，女，2017年8月」

大叔聽後，作出算術的指法，一輪算數以後
「佢投咗胎啦，生活得好好，你放心」

「真嘅？」她的表情好像在黑暗中找到希望

「嗯！」大叔點頭

她身上的黑氣逐漸消退，低下頭合上眼，等待著死亡再次來臨，大叔拋下最後一支釘，用手作出結印，口中唸唸有詞的
「逝者去，命者留，速速輪迴，君令！去！」大叔念完口訣，她就慢慢化為灰消失在空氣中了





事件結束了.....

大叔走到我面前
「做得幾好，識變通，識執生，有身手」

「多謝你」

「我唔係幫你，我想幫佢投胎姐」他幫忙與女子一同扶起我

「佢個女真係投咗胎？」

「唔係」

「咁點解...」





「佢個女有一半嘅靈魂係佢身上，佢一日唔投胎，佢個女都投唔到胎，有時無謂講真話」想不到大叔冷酷的低下也有感性的一面

他們把我扶到沙發上，坐上沙發後，我的意識愈來愈模糊，我還有很多問題未問：那女子到底是誰？為何多次出手幫我？平時我受傷喝醉時醒來已在家是她幫我嗎？

但我已是昏睡過去...