［打鬥/靈幻/鬼怪］《輪迴。道》/《噬魂》我由古惑仔變咗做現代道士: 21

一分鐘....

兩分鐘....

.......

時間一點一滴的過去，只剩下十分鐘，UG這層都被我搜索過，沒有發現，那就只剩一層了

我從中庭的扶手梯上到UNIQLO，回頭看一看後方，我怕又有殭屍從後偷襲，但就是回頭一看，我隱約間望到中庭天花的那團黑紫色的煙霧中，有一顆紅色的東西，但問題來了，我怎樣去拿呢....





看一看手錶，八分鐘，要想想辦法了，我放下背包，把工具都拿出來，看看有什麼適合用的，金錢劍、桃木匕首、三清鈴、符紙、捆仙索，看來都只有捆仙索可以用，還好在中學時跟啊武一起玩過遊繩和戶外攀岩，對一些基本繩結、拋繩都有一定程度的技巧

我先在自己身上綁一個雙稱人結，然後將另一邊綁個索圈，拋向中庭的燈架，一索，我用力扯一扯，測試一下燈架是否夠牢固，測試完畢後，我立即開始收繩，慢慢拉自己上去，接近燈架就轉用手捉緊，一格一格的爬過去

捉住！拿到了！我把晶石放到後褲袋，正準備回程時

「航！得返三分鐘！搵到未？」是九叔的聲音

「啱啱搵到，依家半天吊緊」我答





「得！快！搞掂就去連接住荃灣廣場嗰個出口！」

「得！依家黎」我加緊步伐

平安著地，背起背包，拿著繩索、符紙和晶石跑向天橋出口，最後一分鐘！

到達門口，我向著門用力一掉，玻璃門沒破，晶石穿過了門，消失了，門上像泛起了漣漪一樣，最後倒數十秒，突然一股拉力，把我拉向玻璃門，我閉上眼

「點啊，死得未？」是九叔！





我張開眼

「啊！！太好啦！我終於出到嚟啦！」我興奮的說

「冇事就好啦～」葉靈說

我沒回答，直接抱著她，她整個人呆了，幾秒後，她才回過神來

「天航，你做咩啊？裡面發生左咩事啊」她問

「唔好講住，返去先」我正想回答時，九叔就搶先說出

「好」我和葉靈回答

到家後，我就將結界裡的所有事都說出來





「唔怪得你一出嚟就抱住我啦」葉靈看著我

「唔好意思啊...」

「唔緊要啊～咁證明你係緊張我姐～」

我面紅低頭，這時九叔突然拍我的頭

「死仔，咩時候啊！仲掛住追女仔！」

「我...我邊有啊」我望一望葉靈，她也面紅了

「關於入邊嘅野，係得咁多？有冇講漏？」





「應該冇啦」

「我話你知，今次要對付嘅人功力應該係我以上，再加埋個班殭屍，我地今次都幾難再查落去」

「咁點啊？唔再查？咁葉靈點啊？」

「依家就算我地唔再查落去，佢地都會嚟搵我地，由佢用結界封住你個一刻，依場仗就開始左啦」

「但你話嗰個法師功力係你之上，仲要有成班殭屍，點打啊」