［打鬥/靈幻/鬼怪］《輪迴。道》/《噬魂》我由古惑仔變咗做現代道士: 28

「係佢地？！」英叔震驚

「係啊，佢地同你地北門派一役之後，都元氣大傷，所以就周圍搵人合作」莫平說

「咁你都幫佢地做野？！」英叔問

「我都...我都唔想㗎！」

「嗯？」英叔疑惑





「我地掌門願意同佢地合作，咁我地咪唯有跟住做」莫平低頭說出

「你地掌門...」英叔正在說話

突然！莫平拿出彎刀，向著英叔的腰間插去，英叔反應過來打算側身躲避，但還是不夠快，腰邊被彎刀割傷，傷口頗深

「你個仆街！」英叔捉住他的手，一扭！斷骨的聲音響出

「啊！！！！！」莫平痛苦的大叫





「你條仆街有人唔做！做狗？！」英叔一腳踢在莫平的面上

莫平飛開數個身位，他撐起，以單手作出結印，然後接踵而來的是四方八面都響起野獸的咆哮聲

「咩事啊！咩聲嚟？！」我嚇了一跳，下意識捉住葉靈的手

「係殭屍，𡃁仔！自己執生！」英叔拿出弓箭

回到畫面另一邊，剛與英叔配合成功襲擊段一凡的九叔一直佔上風





「你啱啱好多野講，做咩收曬聲？」九叔手執金錢劍與桃木劍，不斷上下進攻

手中沒有武器的段一凡打得非常吃力，稍有不慎就會中劍，雖說殭屍有復原能力，但也是會消耗體力的

「嗄...嗄...估唔到..先生你....咁大年紀都咁打得」段一凡喘著氣說

「冇人講過年紀大就唔打得」九叔笑了一笑


咆哮聲響起....

九叔望向我們，看見莫平在作結印

「𡃁仔！發生咩事？」九叔問我





「佢做咗唔知咩手勢，之後啲聲就出現啦！」我指著莫平

九叔揮劍斬向段一凡，之後一腳將他踢向我們方向，然後向我們走來

「九，係殭屍嘅叫聲，都好耐冇聽過啦」英叔跟九叔說

「嗯」九叔點頭

段一凡走到莫平身邊，隨後咆哮聲愈來愈近，無數殭屍已從四方八面冒出，九叔和英叔馬上作出戰鬥的狀態

「靈！儘量護着啊航！佢始終係普通人」九叔叮囑葉靈

「好！冇問題！」葉靈回答

殭屍從四方八面湧出，擠滿了所有通道，多得無法形容，好快莫平和段一凡就消失在殭屍群中





「航，依種係傳統殭屍，你手頭上有嘅工具都啱用，自己小心」九叔再次提醒我

「好」我回答，拿起桃木劍和捆仙索

殭屍大軍已經跳到我們面前，大戰一觸即發