［打鬥/靈幻/鬼怪］《輪迴。道》/《噬魂》我由古惑仔變咗做現代道士: 37

37
「你覺你有得揀？」九叔說

莫平沒出聲，死盯著九叔看

「你話你地南陽，點解咁多年嚟都好好地有人唔做要做狗呢？」英叔說

「你地試過餓到就死未啊？！做狗幾好啊！唔通好似你地咁，日日食飯盒，打工捱世界，仲要將啲仁義道德擺係口邊！嘔心！」莫平激動起來

「你依家好好咩？」英叔指著莫平的身體





「起碼我願意去搏啊！哈哈哈哈！」莫平說出他的想法

「你決定唔講啦嘛」九叔問

「唔講！哈哈哈哈哈哈！」莫平大笑

「好！」九叔一手關起太極門

「你地冇我批准都唔好開門！」九叔吩咐





「呃...知道」我回應

這晚，大家都當幾天的事沒發生過一樣，開心的吃著火鍋，聊天，頓時感到一種家庭溫暖的感覺，是一種我從小到大就沒感受過的事情....

「航，你咁多日冇返屋企，唔洗打個電話返去？」九叔夾起鍋裡最後一片肥牛

「我....冇屋企人㗎」我回答完後就低頭吃碗裡的東西

「我舊肥牛呢？！明明擺咗落去㗎！」英叔大聲呼喊，尋找他的肥牛





九叔看著英叔正忙著在鍋裡找肥牛，便快速地把偷來的肥牛放進口裡咀嚼

「你係咪自己食咗唔記得啊？」九叔把肥牛吞下肚後，裝作不知的反問英叔

「可能係掛...唉！咁食牛丸啦」英叔香其他食物進攻

我偷偷在笑，九叔在桌下踢我一腳，盯著我，應該是知道我發現他偷吃了英叔肥牛的事

「𡃁仔啊，你話你冇屋企人，咁你以後跟住啊九咪得囉，佢成個孤獨老人咁」英叔塞到滿口都是食物

「好啊，反正我平時都係得啊武一個朋友，佢又走咗，得我一個人都唔知去邊」我對英叔的建議很感興趣

「我好似冇講過同意」九叔說出一句令我和英叔都呆住話





「咁即係...」我問

「但九叔叔冇話反對啊嘛！」葉靈說

九叔沒說話，繼續食飯

「多謝九叔！」我笑說

九叔依然沒說話，但可看到他偷偷在笑，就這樣，我正式住進九叔家

深夜時分

英叔和葉靈都睡覺了，我躺在床上睡不著，我打算起床走走，出到大廳，看到九叔再次靠著門外的欄杆抽煙，我走到他旁邊

「九叔，諗緊咩啊」我跟他靠欄杆





「冇，好似好耐都冇試過咁多人係我身邊」九叔抽著煙

「咁依家咪幾好囉，熱熱鬧鬧又一日」我也抽起煙來

「的確，對上一次係咁已經廿幾年前，真係不知不覺」唏噓的感覺表露在九叔的臉上

「放心啦九叔，以後都會係咁㗎」我說

「係呢，你話你冇屋企人？」九叔問中我的弱點

「嗯」我回答

「孤兒？」九叔追問





「唔係...我啊媽生我個陣難產死咗，後來去到我讀小學個陣我啊爸係地盤做野個陣失足跌死咗，之後就比人送咗去兒童之家」我說出身世

「咁啊武呢？」九叔問

「我同佢係中學同學嚟，一齊比人罰一齊留班，一齊比人踢出校，最後就一齊跟咗之前個大佬，估唔到最後會變成咁」我也不敢相信自己幾天自己經歷的事情

「可能已經係最好嘅結果」九叔淡淡說出

「係呢，你諗住點對付莫平？」我問

「冇，預咗佢唔會講任何野」九叔答

這晚，我和九叔聊了很久，感覺他沒有了之前的冷酷，多了一份親切感