「航!唔準還手!」九叔在旁大叫

不知為何,這幾天九叔將打坐訓練變成了不停被英叔攻擊但卻不準還手,只可抵擋,但總會有擋不到的時候啊,這幾天下來都被打的遍體鱗傷

「忍住!唔比還手」九叔繼續從旁叫著

「九叔啊!到底點解要咁訓練?」我分神喊問,隨即便被英叔擊中面頰,倒在地上

「唔好停,繼續」九叔把弓拋給英叔,英叔明白九叔的用意





英叔隨即繼續攻擊,我撐起來用雙手前臂作抵擋,英叔的攻擊比我想像中重,抵擋的位置馬上就瘀黑了,但英叔沒打算停手,反而不停的追擊我,動作之快足以令我反應不了,不停的倒下再起

「要還手?得!執起佢就可以」九叔把桃木劍拋到遠遠的地上

「點執啊!!」我詫異

「你自己諗辦法」九叔蹺著手在旁

「英叔!你比我執起佢先啦!」我推開英叔





「死仔!你估我係咁打你唔攰㗎?!你爭氣啲諗辦法自己執起佢啦!!」英叔亦是汗流滿面

我正想身撲往桃木劍時,英叔一個高腳,呯!一聲重響!腳踢在我的肋骨上,這腳把我踢得飛出數米,還好剛剛落在沙發上,令衝力緩解了一點

「啊!𡃁仔唔好意思!重手咗」英叔停止攻擊動作

「繼續!」九叔叫

「但𡃁仔佢....」英叔有點遲疑





「想幫佢就繼續」九叔堅決的說

「喔...都啱嘅」英叔只好再次步向我

「頂住啊𡃁仔!」英叔的弓再次揮打在我身上,我坐在沙發上抱著頭,盡可能保護自己

「好啦!停!今日練住咁多先」九叔轉身回到房間

「嗄....嗄....嗄...啊!!」我躺在沙發上大叫

英叔倒坐在地上

「冇事啊嘛?死得未啊?」英叔問我

「嗄....好攰...好痛」我不停的喘氣





「冇辦法啦,啊九都係想幫你,你都比啲心機啦,集中精神去控制」英叔說

「我明啊....我好努力㗎啦」我坐起來

「加油啦」英叔起來搭一搭我的肩膀

我休息一會,流洗好後就繼續練習打坐,希望不會令九叔失望

我閉上眼睛,盤坐著,但每次想集中精神時腦海時都總是重播著葉靈的畫面,我內心不停的叫自己專注,但卻完全沒有效,我有點擔心她,葉靈已經幾天沒回來了.....到底去哪裡了

這時牆上的桃木劍再次懸浮在半空之中

「九啊,其實點解你咁確定打坐唔啱𡃁仔?」英叔偷偷的問九叔





「你想知嘅話,依家出去睇下」九叔回答

英叔步出房間,看著在打坐的我,同時亦看到懸浮在半空的桃木劍

「唔係喎!佢打坐緊,仲要控制到把劍喎」英叔回到房間

「我都留意咗兩日,發現佢打坐個陣個心根本唔靜,一直都諗緊啊靈,佢心靜個陣運用唔到靈力,相反地係心唔靜嘅情況下運用到,而且佢自己都唔知把劍升起」

「所以你先打算唔跟常規訓練?」英叔恍然大悟

「嗯」九叔點頭

「但點解你覺得打佢會逼佢用到靈力?」英叔追問

「你唔覺得好奇怪?佢身為一個平凡人對住黑熾靈、殭屍同修道之人都可以冇穿冇爛,一次就好彩,三次就一定有原因」九叔說出他的推論





「你講起又係,講真佢完全冇學過任何道術同劍法,但上兩次見佢打個陣都用得幾順手」英叔回想戰鬥時的畫面

「所以只要係對戰個陣不斷逼佢,應該可以逼到佢運用到靈力」九叔說

「咁我聽日落多兩錢力先」英叔笑說

「等陣!其實點解一定要我做?你唔可以打㗎咩....」英叔突然想靈這陣子都被九叔指點

「我唔知喎,見你好似好享受做野唔嘛」九叔說

「喂!死仔!話曬都係你師兄喎」英叔大聲說

「咁又點啊!師兄大曬啊」九叔亦大聲的說





在外的我聽到房間內的吵鬧聲就上前查看,打開房門時發現他們又在爭執,開門的一剎,九叔把英叔推出房間,但過程依然在爭吵

「快啲叫返聲師兄先!」

「點解要我叫先!」

「唔叫你信唔信我打你啊嗱!」

「嚟啊!咁多年都好打過你」

「好啦好啦!唔好嘈啦,兩個都好打!最好打係你兩個」我走到他們二人中間

「大人講野你出咩聲啊!!」他們同時說出

向我左右夾攻,同時揮拳打在我肚,我彎腰,他們再出拳打在後背,我被打得跪在地上,然後他們二人就各自返回房間,遺下我一個在客廳....
已有 0 人追稿