［打鬥/靈幻/鬼怪］《輪迴。道》/《噬魂》我由古惑仔變咗做現代道士: 64

「航...我好凍...救我」葉靈滿身是濕的向我求救

但我一捉住葉靈，她就消失在我面前......

我猛然驚醒！原來是發夢.....到底葉靈去了哪裡啊，是打算以後都不回來嗎....

傳來敲門聲

叩！叩！叩





我開門，是夢晞，我望一望鐘才發現原來已經是早上十點多了

「咁早嘅」我說

「嗯......我有野想問你」夢晞低頭說

「我都知，正常嘅，我慢慢同你講啦」我一早猜到她會有很多問題問我，這也是正常....昨晚的畫面對她來說應該是顛覆了整個世界觀

我們走到一家名為象山快餐店的餐廳吃早餐





「其實琴晚個隻咩嚟.....？」她終於開口

「鬼，一隻惡鬼，佢依種統稱食嬰靈」我回答

「食嬰....即係專食BB？」

「冇錯」

「所以嗰日先叫我地走？」





「係啊，但最尾都冇走到啊～」

「咁你之前嗰幾日不停巡視同琴晚咁古怪都係為咗保護我地？」

「係啊，搞到我都幾日冇教好瞓」

「唔該曬你啊....多謝你」

「唔洗唔該～請我食早餐就得啦」

「好啊！梗係冇問題啦！但我想問呢.....點解你會知咁多野嘅」

「嘩...依條問題好複雜，要講就要就接返上次我同你講個故事繼續講啦」

就這樣，我將黑熾靈報仇、相遇九叔、葉靈情緣和殭屍商場的事都告訴了她，我不怕她會說出去，反正說出去也不會有人相信





她聽完後整個人都呆了

「聽完唔信都正常㗎，正常人都好難接受」我說，把剩下的奶茶喝光

「呃.....我信啊，但要啲時間消化」夢晞一直低著頭

良久

「好！冇問題啊，依家世界咩都有㗎啦，有依啲野有咩咁出奇喎～」夢晞這個人真有趣，那麼快就能消化這麼龐大的信息量

「知道依啲之後唔驚咩？」我笑問

「驚㗎！但有你住係隔離，個心都定啲，你會保護我㗎呵？」夢晞又擺出一副天真的笑容





「會會會～我會盡力保護身邊嘅人，唔會再比身邊嘅朋友出事」我堅定的說

「朋友....」夢晞輕聲說出，我聽不到

「你講咩話？」我問

「冇啊，冇講野啊」夢晞慌張的說

「好，食飽未？」我問她

「食飽啦，我都要上去餵奶比個B啦」

回家前我買了早餐給九叔英叔，他們也應該差不多睡醒了

「係呢，好似有啲八卦，但好想知，BB個老豆呢？」我沒轉彎抹角，直接問





「都估到你會問㗎啦～佢啊？我陀住個B冇耐就唔見咗人啦，都唔知死咗未」夢晞的話語中沒有一絲怨恨，反而像是看開了

「咁真係辛苦你啦，要你一個人湊大個B」我說

「唔辛苦～為咗個B咩都唔辛苦，到你做老豆你就會明㗎啦」夢晞看著我奸笑了一下

不知不覺已回到家門前

「咁我返入去先啦」我打開鐵閘

「等陣啊！」夢晞叫停我

我剛轉頭看著她，她突然衝過來，在我臉上親了一下





「多謝你琴晚保護我同多謝你保護我個女」夢晞面紅的回到家中

我呆了的站在原地.....家門從內打開了，是英叔

「做咩呆咗企係到，開完鐵閘又唔開門！！想餓死我兩個老野啊？！」英叔不停炮轟我

「喂！你係老野，唔關我事」九叔也醒來了，已坐在餐桌旁

我回到家中

「咁早出去，應該唔係淨係食早餐」九叔看著我的表情

「呃.....隔離屋個女仔今朝搵我，問琴晚嘅野，佢見到曬」我說

「哦～原來係一早起身比女溝」英叔笑說

「呃.....邊有啊」我面紅

「有冇你自己知啦～」英叔狼吞虎嚥的吃着早餐

「九叔，我想問我地有冇方法搵到葉靈？」我終於將問題問出口

「搵到個新嘅仲掛住個舊嘅？」英叔還是那麼無聊

「終於問到出口」九叔看著我笑一笑