［打鬥/靈幻/鬼怪］《輪迴。道》/《噬魂》我由古惑仔變咗做現代道士: 75
「你懷疑係上次嗰個萬十方？」英叔問
「唔知，但我地識嘅人入面有邊個識用依種結界」九叔反問英叔
「嗯....咁又真係冇喎」
「所以我先諗係佢」
「咁佢殺咗莫盡之後點解唔救埋我地，同埋佢又點會知莫盡係個到呢？」
「唔知....」九叔也想不透
「唉！唔好諗依啲住啦，依家最緊要救返𡃁仔先」英叔將重點放在我身上
「我睇過，佢十二對肋骨斷咗六對，右手上臂、左手前臂同右腳腳脛都有骨折，內臟受傷有內出血加上體力透支，我都唔知佢撐唔撐到」
他們走到我床前
「咁不如送佢去醫院啦」英叔提出意見
「如果連我醫唔到，去醫院都冇用」九叔低頭說
「.....都係嘅」英叔看著我
「對唔住....如果你英叔我再犀利啲..你就唔會搞成咁」英叔捉著我的手，淚在眼框盪著，但沒有滴下來
「唔關你事，要怪都怪我，我身為佢師父....」九叔終於親口說出是我師父，可惜現在的我聽不到
翌日清晨
傳來一陣敲門聲，九叔叔從搖椅下來開門
是夢晞
「咁早咩事？」九叔率先發問
「呃.....我想問佢點啊」夢晞依然是那個擔心的模樣
「嗯..你入嚟先講」
「好，唔該」夢晞點頭
去到房間
「佢仲係昏迷不醒？」夢晞問九叔
「嗯...」九叔點頭
「點解會咁㗎.....佢話要救一個好重要嘅人，救唔救到」
九叔搖頭示意
「點解咁傻....明知救唔到都搞到自己咁傷」
「嚴格嚟講...佢係為咗救我地先會咁傷」
「.....」
「你有冇方法可以幫佢？我求下你救佢啊」夢晞捉著九叔的手，情緒有點激動
「你冷靜啲，如果有方法我點會唔用....」九叔的神情也有哀愁
「你見唔見到個到盞燈，係七星續命燈」
「七星...續命燈？」
「嗯」九叔點頭
「咩嚟㗎？可以幫佢續命？」夢晞問
「係，南斗星主管生，北斗七星主管死，而人體入面有七個大穴係對應北斗七星：
膻中穴對貧狼星燈；
天目穴前方虛懸一穴對巨門星燈；
泥丸穴對祿存星燈；
夾脊穴：為文曲星燈；
命門穴對廉貞星燈；
丹田炁穴對武曲星燈；
海底穴對天罡星燈
只要七星燈保持七日不滅，受法者嘅陽壽可增加一紀」
「一紀係？」
「十二年」
「可以續命十二年....咁十二年後呢......」
「過咗依關先講之後」
「咁依家我地可以做嘅係等？」
「嗯，捱唔捱得過，好講佢自己嘅意志，七星燈會幫佢續命，但佢要過到自己心入面嘅心魔個關先」
「咁如果佢真係過唔到呢.....」
「咁就咩都幫唔到佢」
「好....」夢晞捉著我的手，眼淚一滴一滴的流下，滴到我的手上
這時的我本來正在意識界遊走，這裡不見光明，倒處也是烏黑一片，根本找不到出口，一直在原地兜兜轉轉，夢晞的這滴淚令我轉換到別的地方
我定神一看，發現自己正身置在楊屋道街市門外
「依到係....」我手上拿著幾袋餸菜
莫非是回到初次碰見葉靈畫面？！
我馬上掉下東西，跑到對面荃新天地，打算阻止葉靈墜樓，但還是趕不了....我眼睜睜的看著葉靈再一次在我面前墜下
我上前....跟上次一樣，照顧著她
是她依舊是身穿白色長裙，白色的裙好快便被鮮血染紅
我拿出電話叫救護車
「小姐，唔洗驚，我叫咗白車啦」
這次我不用她說已脫下外套給她
「咁樣應該冇咁凍㗎啦」我把外套給她披著
「多謝...你」她虛弱的說出
「唔洗～要多謝我就等你好返請我食餐飯啦～」
「你叫...咩名」
「我叫陳天航啊，你呢？」
「我叫葉..靈」
「葉靈...真係..真係好好聽啊」去到這裡我的淚有點忍不住，流下了一滴
救護車聲響起....
........
「情況唔係咁樂觀，佢全身多處骨折，頭部受到重創，要盡快入院搶救」救護員跟我解說葉靈的情況
葉靈捉住我的手，流淚看着我
「唔洗驚，我地會再見面㗎.....一定會」
救護員將她搬到床上，然後準備上救護車
在葉靈未舉起手指向荃新天地時，我已一早往上望去
這次我總算望見，的確是段一凡的身影，不過我已殺掉他，為葉靈報仇了
去到醫院
手術室的紅燈熄了，醫生亦出來了，走向我
「你係佢家屬？」醫生問我
「朋...男朋友」我這算是為自己圓夢吧
「唔好意思啊，搶救無效，佢全身多處骨折，嚴重內出血，而頭部重創係致命傷」
「嗯......我知道」最終也是捱不過去
「你入去見佢最後一面啦」他拍一拍我肩膀
「好....唔該醫生」
上次我跟她素不相識，心情也有點起伏，今次對我來說更是折磨
但我還是盡量收拾好心情，帶着微笑走進手術室
「多謝...你啊」她感覺到我進來
「真係唔洗多謝我㗎...但你一定要記得你欠我一餐飯，下世...下世再還返比我」我緊緊的捉住她的手，眼淚瞬間傾瀉而出
「好啊...我一定..會還返比你㗎」她眼角流出了一滴淚
「好....我等你」
話畢，心電圖響起‘嗶———‘的聲音，她的手再次鬆開了，葉靈第三次在我面前死去.....
我幫她擦去臉上眼淚後，本想離去...
但我起身後，轉身望向葉靈，在她臉上親了一下，就當作是最後的道別吧