［打鬥/靈幻/鬼怪］《輪迴。道》/《噬魂》我由古惑仔變咗做現代道士: 129

我們在校園內慢慢行，裝作沒事的，一層一層的由五樓落到地下，一直都相安無事，但正想再多下一層時，突然被人叫住了

「喂！你地三個落去做咩啊？」叫停我們的是學校校工——堂叔

「堂叔...我地漏咗野係下面啊！」

這樣的藉口...當然是由啊武說出來的

我跟啊烈都用無奈的眼神看著他，但啊武好像沒意識自己的話有什麼問題





「漏咗野？地牢唔開放比學生㗎喎！你地點會漏野係下面啊！快啲返上嚟」堂叔一語中的，地牢是不開放給學生的....我們怎會有機會把東西漏在下面...

「呃....我地」啊烈正想為啊武的藉口打圓場時，堂叔的背後傳來一句

「堂叔，校長請嗰個客人就到啦！快啲拖一拖個門口，要整潔啲」是副校長的聲音

「好啊！依家去拖！.....咁你地三個快啲拎返啲野就好返上去上堂啦！」堂叔在接副副校長的任務後，沒有空閒理會我們

「呼....好彩..」我額頭都冒汗了





「好彩！好彩我諗到咁好嘅藉口咋！」啊武認為堂叔會行開是因為他的藉口...

「烈，你有冇後悔？」我望向啊烈

「有，絕對有」啊烈絕望的點頭

「唉....」我跟啊烈同時嘆氣

「後悔咩啊？後悔幫隻鬼？」啊武問我們





我們沒有回答，繼續前往地牢

「我地掘野咁大聲，一定會比人發現㗎喎」我提出問題

「我可以幫你地，做咗咁多年鬼，點都有啲法力嘅」那男人說

「姐係出面啲人會聽唔到依到啲聲」我問

「一段短時間係啦」男人點頭

「其實我地應該點叫你？」啊武問他

「我叫黃永成」男人說出自己名字

「成哥，咁我地開始掘啦」看來啊武真的很熱心幫助他





於是我們就開始在地牢尋找工具，需要一些大鎚仔、鐵鏟等等的工具

「嗰邊個間房有工具㗎！」成哥指著角落的一間房

我們打開門後，果真有一些工具在這裏

「成哥你又會知依到有工具嘅？」啊武問

「我都係依個地方停留咗咁多年，點會唔知邊到有啲咩啊」成哥笑著說

「咁又好似係喎」啊武點頭

這間房應該是雜物房，放著不同的東西，板車、手推車、毛墊等等，最後我們在雜物房內的角落找到兩個鐵鎚和一個鐵鏟





而我們的計劃是由啊武和啊烈先用鐵鎚打爛表面那層磚和石屎，然後我再用鐵鏟掘骨

所以現在是啊武和啊烈的主場

趁著空閑，我決定問成哥一個問題

「成哥啊，我知咁問有啲怪，但我想問前兩日場火關唔關你事？」我問成哥

「唔關！係啲學生自己做實驗唔小心咋！」成哥極大反應的否認，我也沒追問下去

嘭！！

啊武和啊烈成功打碎了表面的磚

「啲磚爛咗啦」啊武興奮的說





「等陣！」啊烈突然大叫，而且擺出一臉疑惑的樣子看著成哥

「咩事啊？」啊武問

「你地記唔記得成哥點死㗎？」啊烈問的時候，眼神沒離開過成哥

「下？咪比火燒死囉，我地啱啱先睇完」啊武回應啊烈

我馬上思考著啊烈的話

被火燒死..被火燒，焦黑...

「我諗我知你講咩啦」我先看著啊烈，再轉向望著成哥





「點解...我唔係好明，成哥係燒死嘅同我地要掘佢副骨有咩關係？」啊武還未明白

「你認真啲諗下，佢係比火燒到變灰㗎，又點會仲有副骨淨啊」啊烈解釋

「呃...係喎！」啊武這才明白

「哈～唔錯啊，你兩個比我想像中仲要聰明好多啊」成哥奸笑起來

「但我嘅目標唔係你地！！！」