「卓斌!你又搞咩啊!」陳一問卓斌

卓斌見紅煙在辦公室內盤旋,馬上逃出辦公室

「今次唔關我事!」卓斌緊張的跑下樓梯

走到空地

「個骨灰甕爛咗,咁應該冇事㗎啦」陳一說





「我....唔係咁認為」啊烈面色一沉,看著貨倉的頂部

大家也跟著望上去

一團紅煙正在貨倉頂部盤旋著

「到底係咩嚟㗎.....」陳一望著紅煙說

「我做咗幾十年人都未見過...」老柴亦是同一動作,望著紅煙





原本在盤旋的紅煙,突然向下衝來,目標正正是卓斌,卓斌發現後飛撲躲開,結果遭殃的是他身後的手下,紅煙穿過手下的身體,在一秒間,他的身體好像被吸乾一樣,肌肉變得萎縮,皮膚變得乾涸,只剩下皮包骨,衣服都掉下

那手下跌倒地上

「斌...哥..救....」他捉住卓斌的褲腳

「死開啦!」卓斌一腳把手下踢開了

手下被踢開後就斷氣,死相猙獰...





在那手下死亡後,真正的恐慌正式開始,大家紛紛四處奔走,避開紅煙,場面一片混亂
卓斌決定再次走到辦公室內,鎖上門

啊烈透過玻璃窗直直的盯著卓斌,但無可奈何地他也要逃跑,不然被紅煙穿過就麻煩了

啊衝拖著啊紫逃跑,老柴跟陳一跑向大閘,看看能不能打大門

紅煙到處亂飛,穿過了不少卓斌的手下,在一瞬間貨倉變成人間煉獄,乾屍遍地

老柴跟陳一開門不果,往回貨倉裏跑,老柴用剩餘的子彈射向紅煙

「我唔信子彈都打你唔死!!」

子彈直接穿透紅煙,紅煙不但沒受到傷害,更發出尖叫聲衝向老柴





老柴轉身逃跑,但來不及了,他才剛轉身,紅煙就直穿過他的身體,他跪下,雙眼通紅,身形開始縮小,衣服開始變得鬆動

「我...都就...退休...啦」倒下了,生命終結了

「老柴!!!」啊衝激動的大叫,啊紫嚇得倒坐在地上痛哭

啊衝這一叫,吸引到紅煙的注意,向他襲來,啊衝馬上推開啊紫,然後自己不停的跑,紅煙緊隨其後

啊衝嘗試以「之字形」的跑法,希望可擺脫紅煙,但效果並不大,紅煙還是緊緊追貼他

最後啊衝想到一個方法,他走向卓斌的其中一個手下,當紅煙將到時再飛撲逃離

紅煙穿過卓斌的手下

「你....」倒下





「呼....」啊衝鬆一口氣

紅煙停下了攻擊,不斷到底盤旋好像在尋找什麼一樣,啊烈想起卓斌第一次跟他提起骨灰罈時,是有一大一小的,還提及到母子

「母子....」啊烈不斷思考著

他決定直接上去問清楚卓斌,他慢慢走近辦公室,放輕腳步的走上樓梯

「斌少,我支槍冇子彈,我有野要問你」啊烈敲門說

卓斌開門,讓啊烈進去後就馬上關門

「斌少,依個時候大家同一條船,到底個骨灰甕係咩嚟?」啊烈問





「骨灰甕咪骨灰甕,可以係咩?」卓斌不打算說實話

「依個時候仲有需要隱瞞?再唔講真話大家都要死係到」啊烈繼續說服卓斌

「......」卓斌聽到有機會死後,馬上變得猶豫

「大嘅係老母,細嘅係個仔,個老母生前係盲嘅,比人強姦有咗個仔,法師將個仔活生生拎出嚟放咗入個細甕到,再封印住佢,然後再將老母嘅骨灰放係個大甕到,佢話咁樣個老母就會成為極高怨念嘅怨靈,法力無邊,只要我一日有個細甕係手,佢都會聽曬我話,可以幫我呼風喚雨,只係冇估到個甕會比你打爛咗.....」

聽到卓斌道出完整的真相後,啊烈後背一寒

「點解可以咁變態....」啊烈握緊拳頭,一拳打在卓斌的臉上

正當啊烈想再多加一拳時,卓斌從腰間拿出手槍,指著啊烈的頭,上膛

啊烈停住了動作





「我唔想殺你,你唔好逼我」卓斌擦一擦嘴角的血

然後,從桌面上的一個袋拿出了小的骨灰罈
已有 0 人追稿