「唔關你事....」啊烈黯然的說

「到底依到發生咗咩事....」我無奈的問

「我地洗唔洗去幫手?」啊烈沒回答我的問題

「如果係普通怨靈嘅話,根本唔洗我地出手」我說

「可唔可以唔殺佢?可以超渡?」啊烈問





看看戰況

英叔把捆仙索鄉綁在兩支箭的尾部,發射!把女鬼困住了

「諸仙借法!令!」九叔召出符布把女鬼包住

「仔啊!!!」女鬼痛苦的大叫

「收!」九叔一下令,符布馬上縮小,把女鬼壓縮成一個球的大小,九叔再用繩把布綁緊





收伏完成

「就係咁簡單?....」啊烈愕然

「依隻野唔算咩難搞野」英叔叉著腰說

九叔捉著繩子,把收伏女鬼的符布拋到後背,瀟灑的走來

「對唔住,我地太遲」九叔環視四周的環境





「我知你地盡咗力...」啊烈說

「咁依到啲屍點搞?」英叔看著地上的屍體問

「交比我!」是一把除了我們四人以外的聲音

一身影從一堆貨物裏鑽出來

「嘩,咩人嚟㗎」我被他嚇了一跳

「我係..總區重案組,高級督察陳一」他狼狽的走出貨物堆

「你話係就係啊?證呢?」英叔問陳一

「我話係就係啦,唔洗睇證!你朋友可以證明」陳一指著啊烈





「九叔,你可唔可以唔好殺佢?」啊烈沒理會陳一,指著符布問九叔

「點解?」九叔問

「佢好慘,生前比人強姦,大咗肚,又活生生比人拎咗個仔出嚟,佢啱啱都不斷搵自己個仔,可唔可以幫佢超渡」

「唉..依個世界就係咁殘酷」英叔搖搖頭

「好,咁我順便幫依到所有人超渡」九叔拿著符布走到貨倉的正中央

把一張白色的符貼在地上,口中唸著經文

「逝者去,命者留,速速輪迴,君令!去!」





場上的屍體都冒出一股白煙,啊衝和啊紫的魂魄相擁在一起,跟我們揮手再見

女鬼的魂魄飛到兒子的骨灰旁邊,抱著兒子的魂魄,慢慢升天

「謝謝你們」她揮手告別

我們也跟她揮手

「你話你負責啲屍㗎嘛,咁我地走啦」英叔跟陳一說

「呃....係啊,我負責」陳一點頭

「好,走」九叔轉身

「全部都唔好諗住走!!」





「又點啊陳一」啊烈不耐煩的轉身

「唔係我啊!!」陳一驚恐的回答

誰不知,說話的不是陳一,是卓斌!!他一手叉著啊烈的頸

他...變了怨靈

「呃......」啊烈反抗,但並不奏效

卓斌把啊烈摔倒在地,然後用腳踩在他胸口,啊烈開始呼吸不到

「係你累到我變成咁!!二五仔!」卓斌的手扣得更緊





「呃...你..罪有應...得!」啊烈往卓斌吐了一口口水

「死淨把口!」

卓斌準備出手時

「喂!」我大叫一聲,拿著彎刀跑向卓斌

卓斌把啊烈踢開,選擇迎戰

他向我使出左勾拳,我蹲下避開,用彎刀在他膝蓋劃上一刀

他感到疼痛後化為虛影,以為這樣我就傷不到他,但他不知道以現時我的靈力要觸碰怨靈根本易如反掌,我朝他大腿低掃,再補一腳高踢,他頓時後退數步

我趁機跳起,上而下在他的頸斬下去,一刀斷頭

卓斌生前死後也是不得全屍,好快他就化成灰燼消失在空氣中

完結

「呼...搞掂」我收好彎刀

「𡃁仔!進步咗好多喎」在旁觀戰的英叔說

「打咗咁多場硬仗,點都有啲進步嘅」我摸摸後腦勺

我上前扶起啊烈,啊烈摸一摸頸,咳嗽

「今次到我想問,到底你經歷咗啲咩...」
已有 0 人追稿